Home உலகம் உலகிலேயே முதல்முறையாக… டிரம்பின் ட்விட்டர் கணக்குக்கு நிரந்தர மூடுவிழா!

உலகிலேயே முதல்முறையாக… டிரம்பின் ட்விட்டர் கணக்குக்கு நிரந்தர மூடுவிழா!

நிறுவனத்தின் கொள்கைகளை மீறி வன்முறையைத் தூண்டும் விதமாகத் தொடர்ச்சியாகப் பதிவுகள் இட்டதால் அமெரிக்க அதிபர் டிரம்பின் கணக்குக்கு நிரந்தரமாக மூடுவிழா நடத்தியுள்ளது ட்விட்டர்.

அதிபர் ஒருவரின் ட்விட்டர் கணக்கு நிரந்தரமாக முடக்கப்படுவது இதுவே முதல்முறை. இதனிடையே தன்னுடைய கருத்துகளைச் சுதந்திரமாகப் பதிவுசெய்ய சொந்தமாக ஒரு வலைதளத்தை உருவாக்கும் திட்டம் இருப்பதாக டிரம்ப் கூறியுள்ளார்.

சில தினங்களுக்கு முன்பு அமெரிக்காவில் நிகழ்ந்த வன்முறைக்கு முழுமுதற் காரணம் அதிபர் டிரம்ப் தான் என பல உலக நாடுகளின் தலைவர்கள் குற்றஞ்சாட்டிவருகின்றனர். உலக நாடுகள் முன்பு அமெரிக்காவுக்கு ஏற்பட்ட பெருத்த அவமானமாக அந்நாட்டு மக்கள் கருதுகின்றனர்.

வன்முறை அரங்கேறி கொண்டிருக்கும்போது கூட டிரம்ப் ஆதரவாளர்களைக் கண்டிக்காமல் அவர்களை ஊக்குவிக்கும் விதமாகவே பேஸ்புக் உள்ளிட்ட சமூக வலைதளங்களில் தனது கருத்தைப் பதிவுசெய்தார்.

அதனால் டிரம்பின் பதிவுகளால் அமெரிக்காவில் அமைதி சீர்குலையும் என்று கூறி பேஸ்புக் நிறுவனம் காலவரையின்றி அவரது கணக்கை முடக்கிவைத்துள்ளது.

தற்போது ட்விட்டர் நிறுவனம் ஒருபடி மேலே சென்று அவரது கணக்கை நிரந்தரமாக முடக்குவதாக அறிவித்துள்ளது; முடக்கியும் விட்டது. ஆரம்பத்தில் தற்காலிகமாக அவரின் கணக்கை முடக்கிவைத்திருந்த ட்விட்டர், வன்முறையைத் தூண்டும் வகையில் பதிவிட்டால் நிரந்தரமாக முடக்கப்படும் என்று எச்சரித்தது.

ஆனால் டிரம்ப் அதற்குச் செவிமடுக்காமல் ட்விட்டர் தனது கருத்துச் சுதந்திரத்தைப் பறிப்பதாகக் குற்றம் சுமத்தினார். ட்விட்டர் இடதுசாரிகளுக்கு ஆதரவளித்து தன்னைப் பேசவிடாமல் செய்வதாகவும் கூறினார்.

ட்விட்டர் தனது பதிவுகளை நீக்கியதால் அதிருப்தியில் இருந்த அவர், எதிர்காலத்தில் தனக்குச் சொந்தமாக ஒரு வலைதளத்தை உருவாக்கும் திட்டம் இருப்பதாகக் கூறினார்.

இச்சூழலில் தங்களது கொள்கை மற்றும் விதிமுறைகளை மீறி வன்முறையைத் தூண்டுவதாகக் கூறி டிரம்பின் கணக்குக்கு நிரந்தரமாக மூடுவிழா நடத்தியுள்ளது.

இதுகுறித்து விளக்கமளித்துள்ள ட்விட்டர், “சமீப நாட்களாக டிரம்ப் இட்ட பதிவுகளை ஆய்வு செய்ததில், வன்முறையைத் தூண்டும் விதமான கருத்துகள் இருப்பதை உறுதிப்படுத்தியுள்ளோம். மேற்கொண்டு அசம்பாவிதங்கள் நிகழாமல் இருக்க அவரது கணக்கை நிரந்தரமாக முடக்கியுள்ளோம்” என்று குறிப்பிட்டுள்ளது.

தேர்தலில் தோல்விபெற்றதிலிருந்து ஜோ பைடன் முறைகேடுகளை நிகழ்த்தி வெற்றிபெற்றதாக ட்விட்டர் உள்ளிட்ட சமூக வலைதளங்களில் தொடர்ச்சியாகக் கருத்தை டிரம்ப் பதிவுசெய்து வந்தார்.

அதன் விளைவாகவே வன்முறை வெடித்துள்ளதாகக் கூறி அவரது கணக்குகள் வரிசையாக முடக்கப்பட்டுவருகின்றன. உலகிலேயே அதிபர் ஒருவரின் ட்விட்டர் கணக்கு முடக்கப்படுவது இதுவே முதல்முறை.

இத்தகைய மோசமான சாதனையைச் சம்பாரித்த டிரம்ப், அதிபர் பதவிக்கும் அமெரிக்காவுக்கும் தலைகுனிவை ஏற்படுத்திருப்பதாக அமெரிக்க மக்கள் கொந்தளித்துள்ளனர்.

மாவட்ட செய்திகள்

Most Popular

ஏப்ரல் மாதத்துடன் பழைய ரூ.5,10,100 நோட்டுகள் செல்லாது- ரிசர்வ் வங்கி

மார்ச் அல்லது ஏப்ரல் மாதத்துக்குள் பழைய ரூ.5,10,100 நோட்டுக்கள் திரும்பப்பெறப்படும் என ரிசர்வ் வங்கி அறிவித்துள்ளது. கருப்பு பணத்தை ஒழிக்க கடந்த 2016 ஆம் ஆண்டு...

அருகம்புல் ஜூஸ் தெரியும்… கோதுமை புல் ஜூஸ் பயன்கள் தெரியுமா?

ஹெல்த்தி ஃபுட் ஆர்வலர்களின் தேர்வாக அருகம்புல் சாறு உள்ளது. காலையில் வாக்கிங் செல்பவர்கள் ஒரு டம்ளர் அருகம்புல் ஜூஸ் குடித்துவிட்டு வீட்டுக்குத் திரும்புவது வழக்கமாக மாறிவிட்டது. அதை விட அதிக...

சசிகலா விடுதலையாகி வந்து அரசியலில் நுழையவேண்டும்- பிரேமலதா விஜயகாந்த்

சட்டமன்ற தேர்தலில் விஜயகாந்த் அனுமதி அளித்தால் போட்டியிடுவேன் என தேமுதிக பொருளாளர் பிரேமலதா விஜயகாந்த் தெரிவித்துள்ளார். தேமுதிக சார்பில் செங்கல்பட்டு மாவட்டம் 2021 சட்டமன்ற தேர்தலுக்கான...

ஐசியூவில் சிகிச்சை பெறும் சசிகலா உணவு உட்கொள்கிறார்! மருத்துவமனை அறிக்கை

சொத்துகுவிப்பு வழக்கில் சிறை தண்டனை அனுபவித்து வந்த சசிகலாவுக்கு கடந்த சில தினங்களுக்கு முன்பு உடல்நலக்குறைவு ஏற்பட்டது. இதனால் அவர் சிவாஜி நகர் அரசு மருத்துவமனையில் சிகிச்சைக்காக அழைத்து செல்லப்பட்டார்....
Do NOT follow this link or you will be banned from the site!