மாவட்ட ஆட்சியர்களுடன், தலைமை செயலாளர் சண்முகம் இன்று ஆலோசனை நடத்துகிறார்.
தமிழகத்தில் கொரோனா பரவல் நாளுக்கு நாள் அதிகரித்து வருகிறது. இதனால் கொரோனா தடுப்பு நடவடிக்கையை தமிழக அரசு தொடர்ந்து நடைமுறைப்படுத்தி வருகிறது. இதில் கடந்த 5 மாதங்களாக முன்களப்பணியாளர்கள் தொடர்ந்து பாடுபட்டு வருகின்றனர். இதன் ஒரு பகுதியாக இ-பாஸ் நடைமுறை, ஊரடங்கு ஆகியவை தொடர்ந்து அமலில் உள்ளது.
இந்நிலையில் மாவட்ட ஆட்சியர்களுடன், தலைமை செயலாளர் சண்முகம் இன்று ஆலோசனை நடத்தவுள்ளார். இன்று பிற்பகல் 3 மணிக்கு காணொலி மூலம் ஆலோசனை நடத்தும் நிலையில் கொரோனா தடுப்பு பணி தொடர்பாகவும், இ-பாஸ் தொடர்பாகவும் ஆலோசிக்க உள்ளதாக தகவல் வெளியாகியுள்ளது. ஆகஸ்ட் 31 ஆம் தேதியுடன் ஊரடங்கு முடியவுள்ள நிலையில் இன்று ஆலோசனை நடைபெறுவது குறிப்பிடத்தக்கது.