செப்டம்பர் மாதமும் ஊரடங்கு நீட்டிப்பா? இபாஸ், போக்குவரத்து சேவை குறித்து ஆலோசனை!

ஏழாம் கட்ட ஊரடங்கு வரும் 31-ஆம் தேதியுடன் முடிவடையும் நிலையில் தமிழகத்தில் ஊரடங்கு காலத்தில் புதிய தளர்வுகள் அறிவிப்பது பற்றி முதல்வர் பழனிசாமி ஆலோசனை நடத்தி வருகிறார். மாவட்ட ஆட்சியர்களுடன் தலைமைச் செயலகத்தில் இருந்து காணொலி மூலம் முதல்வர் ஆலோசனை செய்து வருகிறார்.

ஊரடங்கு நீட்டிப்பு , இ-பாஸ் , போக்குவரத்து சேவையை உள்ளிட்டவை குறித்து முதல்வர் ஆலோசிக்கிறார். ஆட்சியாளர்களுடன் ஆலோசனைக்கு பின் மதியம் 3 மணிக்கு மருத்துவ நிபுணருடன் ஆலோசிக்கும் முதல்வர் பழனிசாமி , ஆட்சியர்கள்- மருத்துவ நிபுணர்களின் கருத்தை கேட்டு அறிந்து புதிய தளர்வுகள் குறித்து அறிவிப்பார் என்று எதிர்பார்க்கப்படுகிறது.

கொரோனா தொற்றை கட்டுபடுத்த மார்ச் 24ம் தேதி முதல் தமிழகத்தில் ஊரடங்கு அமலில் இருந்து வருவது குறிப்பிடத்தக்கது.