Home அரசியல் "திருமாவுக்கு பிளாஸ்டிக் சேர்... கைகட்டி அமர்ந்த சர்ச்சை புகைப்படம்" - என்ன சொல்கிறார் அமைச்சர் ராஜகண்ணப்பன்?

“திருமாவுக்கு பிளாஸ்டிக் சேர்… கைகட்டி அமர்ந்த சர்ச்சை புகைப்படம்” – என்ன சொல்கிறார் அமைச்சர் ராஜகண்ணப்பன்?

போக்குவரத்துத் துறை அமைச்சராக இருக்கும் ராஜகண்ணப்பனுக்கு ஜூலை 31ஆம் தேதி பிறந்தநாள். அன்றைய நாள் வாழ்த்து தெரிவிப்பதற்காக விடுதலைச் சிறுத்தைகள் கட்சித் தலைரும் மக்களவை எம்பியுமான திருமாவளவன் அவரின் வீட்டுக்குச் சென்றார். அப்போது இருவரும் அருகே அமர்ந்து பேசும் ஒரு புகைப்படம் வெளியானது. சோபாவில் ராஜகண்ணப்பனும், சாதாரண பிளாஸ்டிக் சேரில் திருமாவளவனும் அமர்ந்து பேசுவது போல இருந்தது. அதேபோல திருமா அமைச்சர் முன்பு கைகட்டி அமர்ந்தது போலவும் இடம்பெற்றிருந்தது.

"திருமாவுக்கு பிளாஸ்டிக் சேர்... கைகட்டி அமர்ந்த சர்ச்சை புகைப்படம்" - என்ன சொல்கிறார் அமைச்சர் ராஜகண்ணப்பன்?
VCK Kittu Explains About Rajakannappan- Thiruma Meet | அமைச்சர் முன்பு  திருமாவளவன் கைகட்டினாரா? நடந்ததை விவரித்த விசிக மண்டல அமைப்புச் செயலாளர்

இந்தப் புகைப்படம் சமூக வலைதளங்களில் வைரலானது. அமைச்சர் திருமாவளவனை சோபாவை அமர வைக்காமல் பிளாஸ்டிக் சேரில் கைகட்டி அமர சொல்லி மரியாதைக் குறைவாக நடத்தியதாக கடிந்து கொண்டனர். அது மட்டுமில்லாமல் இதையெல்லாம் பொறுத்துக்கொண்டு இப்படியா அங்கே அமர்வது என திருமாவையும் சாடி சமூக நீதி கொப்பளிக்கும் சிலர் விமர்சித்தனர். இது தொடர்பாக விளக்கமளித்த திருமாவளவன், “அமைச்சர் ராஜகண்ணப்பன் அருகில் இருக்கும் சோபாவில் அமருங்கள் என என்னிடம் மூன்று முறை கூறினார்.

ராஜகண்ணப்பன் - திருமா

அந்த நாற்காலி சற்று இடைவெளியிலும், இடையில் சிலையும் இருக்கிறது. எனவே, இது எனக்கு வசதியாக இருக்கிறது எனக் கூறி, அங்கிருந்த மற்றொரு இருக்கையை நானேதான் இழுத்துப்போட்டு உட்கார்ந்தேன். நான் பணிந்துபோய் உட்கார வேண்டிய அவசியமே கிடையாதே. குதர்க்கவாதிகள், காழ்ப்புணர்ச்சி கொண்டவர்கள், விசிக வளர்ச்சியைப் பொறுத்துக்கொள்ள முடியாதவர்கள் ஏதாவது சேறு பூச வேண்டும் என நினைக்கிறார்கள். கைகட்டி உட்காருவது என்னுடைய பழக்கம். என் அம்மா முன்பும், கட்சித் தொண்டர்கள் முன்பும் கை கட்டிக்கொண்டு இருப்பேன். இதையெல்லாம் அரசியல் ஆக்குவது என்பது அவர்களின் இயலாமையைக் காட்டுகிறது” என்றார்.

ராஜகண்ணப்பன்

இச்சூழலில் இன்று தலைமைச் செயலகத்தில் பேட்டியளித்த அமைச்சர் ராஜகண்ணப்பனின் இதுதொடர்பாகக் கேள்வி எழுப்பப்பட்டது. அதற்கு விளக்கமளித்த அவர், “இதனை தேவையிலாமல் அரசியல் செய்கின்றனர். திருமா எப்போதும் அப்படித்தான் உட்கார்ந்திருப்பார். நான் சோபாவில் உட்காரச் சொன்னேன். ஆனால் அவர் அமரவில்லை. நாங்கள் இருவரும் பழைய நண்பர்கள். அந்தக் காலத்தில் பாயில் அமர்ந்து பேசியிருக்கிறோம். சாதாரண நிகழ்ச்சி அது. அதனைப் பெரிதுபடுத்த வேண்டிய அவசியமில்லை” என்றார்.

"திருமாவுக்கு பிளாஸ்டிக் சேர்... கைகட்டி அமர்ந்த சர்ச்சை புகைப்படம்" - என்ன சொல்கிறார் அமைச்சர் ராஜகண்ணப்பன்?

மாவட்ட செய்திகள்

சமீபத்திய செய்திகள்

இந்தியாவில் குறையும் கொரோனா மற்றும் பலி எண்ணிக்கை : முக்கிய தகவல் இதோ!!

இந்தியாவில் கடந்த சில வாரமாக கொரோனா தொற்று பாதிப்பு அதிகரித்து வந்ததால் மத்திய மாநிலஅரசுகள் அதிர்ச்சியில் உறைந்து போயின. இதை தொடர்ந்து தொற்று பாதிப்பு அதிகமுள்ள மாநிலங்களில் கட்டுப்பாடுகள் தீவிரப்படுத்தப்பட்டன....

ஆன்லைன் பணப் பரிவர்த்தனை – 16 இலக்க எண் , சிவிவி எண் இனி வேண்டாம்; ரிசர்வ் வங்கியின் முக்கிய அறிவிப்பு!

ஆன்லைனில் பரிவர்த்தனை செய்யும் நபரா நீங்கள்? இது உங்களுக்கான செய்தி என்பதை நினைவில் வைத்துக்கொள்ளுங்கள். அதாவது சமீபகாலமாக ஆன்லைன் பரிவர்த்தனை என்பது அதிகமாகிவிட்டது. முன்பெல்லாம் வங்கிக்கு சென்று பணம் எடுத்து...

வளைகாப்பு நிகழ்ச்சி முக்கியமா? ஜிஎஸ்டி கூட்டம் முக்கியமா? அமைச்சர் பிடிஆரை வறுத்தெடுக்கும் பாஜக

தமிழக நிதியமைச்சர் பிடிஆர் பழனிவேல் தியாகராஜன் ஜிஎஸ்டி கவுன்சில் கூட்டத்தில் கலந்து கொள்ள முடியாதது குறித்து செய்தியாளர்கள் எழுப்பிய கேள்விக்கு பொறுப்பற்ற முறையில் அவள் பதிலளித்தார் என்று நெட்டிசன்கள் வலைதளங்களில்...

ஊரக உள்ளாட்சி தேர்தலுக்கான வேட்புமனு தாக்கலுக்கு நாளை கடைசி நாள்!!

தமிழகத்தில் ஊரக உள்ளாட்சி தேர்தல் காஞ்சிபுரம், செங்கல்பட்டு, திருப்பத்தூர், ராணிப்பேட்டை, தென்காசி, கள்ளக்குறிச்சி, திருநெல்வேலி, விழுப்புரம் மற்றும் வேலூர் ஆகிய 9 மாவட்டங்களுக்கு அடுத்த மாதம் 6 மற்றும் 9...
TopTamilNews