Home லைப்ஸ்டைல் ஆரோக்கியம் மாரடைப்பு அறிகுறிகள் அறிவோம்!

மாரடைப்பு அறிகுறிகள் அறிவோம்!

இதயத்துக்கு செல்லும் ரத்தக் குழாய்களில் அடைப்பு ஏற்படுவதன் காரணமாக இதயத் திசுக்களுக்கு ரத்தம் செல்வது தடைப்படுகிறது. இதனால் ஆக்சிஜன், உணவு இன்றி இதய செல்கள் இறக்கத் தொடங்குகின்றன. இதையே மாரடைப்பு (myocardial infarction) என்று சொல்கிறோம். எவ்வளவு விரைவாக ரத்த ஓட்டம் மீண்டும் கிடைக்கச் செய்கிறோமோ அந்த அளவுக்கு இதயத் திசுக்களைப் பாதுகாக்க முடியும்.

மாரடைப்பு அறிகுறிகள் அறிவோம்!
மாரடைப்பு அறிகுறிகள் அறிவோம்!

மாரடைப்பின் அறிகுறிகளைத் தெரிந்துகொள்வோம்:

பொதுவாக மாரடைப்பு ஏற்பட்டால் இடது பக்கம் நெஞ்சு வலிக்கும். சில நிமிடங்கள் முதல் தொடர்ந்து வலி இருக்கலாம். நெஞ்சு வலி, பாரம், அழுத்தம் என எதுவாக இருந்தாலும் கவனக் குறைவாக இருந்துவிடக் கூடாது.

சோர்வு, உடல் வெளிறுதல்:

உடல் முழுவதும் ரத்தம் செல்வது தடைப்படுவதால் உடல் வெளிறுதல், சோர்வு, அசதி அதிகரிக்கும்.

இது தவிர தாடை, கழுத்து, முதுகில் வலி இருக்கும். இரண்டு கைகள் மற்றும் தோள்பட்டையில் அதீத வலி ஏற்படும். சிலர் கை வலிக்கிறது என்று அசட்டையாக இருந்துவிடுவார்கள். அதற்குத் தைலம் தேய்ப்பது போன்ற சிகிச்சை எடுப்பார்கள். இது தவறானது. நெஞ்சு வலியோடு சுவாசத் திணறல் இருக்கும். சுவாசிக்க முடியாமல் அவதியுறுவார்கள். இயல்புக்கு மீறிய வகையில் அதிக அளவில் வியர்க்கும். இந்த அறிகுறிகள் இருந்தால் உடனடியாக மருத்துவமனைக்குச் செல்வது நல்லது.

சர்க்கரை நோயாளிகளுக்கு மாரடைப்பு அறிகுறிகளை வெளிப்படுத்தலாம், வெளிப்படுத்தாமலேயே கூட பாதிப்பை ஏற்படுத்தலாம். எனவே, சர்க்கரை நோயாளிகள் கூடுதல் கவனத்துடன் இருக்க வேண்டும்.

ஆண்களுக்கு தற்போது இளம் வயதிலேயே இதய நோய், மாரடைப்பு வருகிறது. பெண்களுக்கு மெனோபாஸ் பிறகு மாரடைப்பு வருவதற்கான வாய்ப்பு அதிகரிக்கிறது. இருவருக்கும் ஒரே மாதிரியான அறிகுறிகள் தென்படாது. இருவருக்கும் காணப்படும் அறிகுறிகளைக் காண்போம்.

ஆண்களுக்கு:

நெஞ்சில் அதீத வலி அல்லது அழுத்துவது போன்ற உணர்வு

தாடை, கழுத்து, முதுகு வலி

வாந்தி அல்லது குமட்டல்

சுவாசத் திணறல்

பெண்களுக்கு

விட்டுவிட்டு நெஞ்சுவலி

கீழ் நெஞ்சு மற்றும் மேல் வயிற்றுப் பகுதியில் வலி அல்லது அழுத்துவது போன்ற உணர்வு

கழுத்து, தாடை, மேல் முதுகுப் பகுதியில் அதீத வலி

குமட்டல் அல்லது வாந்தி

சுவாசத் திணறல்

சோர்வு

செரிமானக் குறைபாடு

உடல் பலவீனம்

மாரடைப்பு அறிகுறிகள் அறிவோம்!
-Advertisement-

மாவட்ட செய்திகள்

-Advertisement-

சமீபத்திய செய்திகள்

“திமுக தலைவர்களை விமர்சித்தால் குற்றமா?… எங்கள் குரல்வளையை நசுக்காதீர்கள்” – பொங்கிய அண்ணாமலை!

சமூக வலைதளங்களில் எப்போதுமே கட்சி அபிமானிகளுக்கிடையே வார்த்தைப் போர் நடக்கும். குறிப்பாக திமுக மீது விமர்சனம் வைக்கிறேன் என்ற பெயரில் அதிமுக, பாஜக, ஆர்எஸ்எஸ் அபிமானிகள், நாம் தமிழர் உள்ளிட்ட...

மருத்துவமனைக்கு ‘சீல்’..மக்கள் மருத்துவர் வீ.புகழேந்தி முதல்வர் ஸ்டாலினுக்கு எழுதிய கடிதம்

செங்கல்பட்டு மாவட்டம் கல்பாக்கம் சதுரங்கப்பட்டினத்தில் கடந்த 30 ஆண்டுகளுக்கும் மேலாக ஏழை,எளியோர்களுக்கு மிக மிக குறைந்த கட்டணத்தில் மருத்துவம் பார்த்து வருகிறார் வீ.புகழேந்தி. இதனாலேயே அவர் ’மக்கள் மருத்துவர்’என்று...

உங்கள் வீட்டில் வலம்புரி சங்கு உள்ளதா? அப்போ பண கஷ்டம் பறந்து விடும்!!

சங்கு என்பது ஆன்மீகத்திலும், பூஜைகளிலும் மிகவும் முக்கியமான ஒரு பங்கை வகிக்கிறது. குறிப்பாக இந்த வீட்டில் வலம்புரிச் சங்கு இருக்கிறதோ அந்த வீட்டில் லஷ்மி வாசம் செய்கிறாள் என்பது ஐதீகம்.சங்கு...

அமெரிக்கா செல்லும் ரஜினிகாந்த்… அனுமதி கொடுத்து விட்டதா மத்திய அரசு?

நடிகர் ரஜினிகாந்த் உடல் பரிசோதனைக்காக அமெரிக்கா செல்ல உள்ளதாக தகவல் வெளியாகிறது. கொரோனா பரவல் காரணமாக விமான சேவை ரத்து செய்யப்பட்டுள்ளது. இந்தியாவில் இருந்து விமானங்கள்...
- Advertisment -
TopTamilNews