முத்தையா முரளிதரன் வாழ்வியல் படத்தில் இருந்து விலகுகிறாரா விஜய் சேதுபதி?

முத்தையா முரளிதரன் பயோபிக்கில் நடிகர் விஜய் சேதுபதி நடிக்க இயக்குநர் சீனுராமி, பாரதிராஜா, கவிஞர்கள் தாமரை, வைரமுத்து , சீமான், திருமுருகன் காந்தி என பலரும் கண்டனம் தெரிவித்துள்ளனர்.இருப்பினும் முத்தையா முரளிதரன் பயோபிக் படமான 800 இல் தொடர்ந்து நடிக்கிறேனா ? இல்லையா? என்பதை ஓரிரு நாட்களில் அறிவிப்பதாக விஜய் சேதுபதி தெரிவித்திருந்தார்.

இதனிடையே, தன் மீது வீண்பழி சுமத்தப்படுவதாகவும், இலங்கை தமிழர்கள் சுட்டுக் கொல்லபட்ட போது தான் அதற்கு ஆதரவு அளிக்கவில்லை என முத்தையா முரளிதரன் 3 பக்க அறிக்கையை வெளியிட்டிருந்தார். இந்த நிலையில், தமிழர்கள் என்மீது கொண்டுள்ள தவறான புரிதலால் 800 படத்தில் இருந்து விஜய் சேதுபதி விலக வேண்டும் என முத்தையா முரளிதரன் விஜய் சேதுபதிக்கு கோரிக்கை விடுத்துள்ளார்.

அந்த அறிக்கையை மேற்கோள்காட்டி நடிகர் விஜய் சேதுபதி ” நன்றி.. வணக்கம்” என தனது ட்விட்டர் பக்கத்தில் குறிப்பிட்டுள்ளார். விஜய் சேதுபதி இவ்வாறு குறிப்பிட்டிருப்பது, 800 படத்தில் இருந்து விலகிக் கொள்வதாகவே தெரிகிறது. இது தொடர்பாக, விஜய் சேதுபதி விளக்கம் அளிப்பார் என எதிர்பார்க்கப்படுகிறது.