‘கெஞ்சிக் கேட்கிறேம்ம்மா… நாளைக்குப் படிச்சி சொல்றேம்மா’ குழந்தையின் கண்ணீர் வீடியோ #ViralVideo

கொரோனா நோய்த் தொற்றால் லாக்டெளன் அறிவிக்கப்பட்டது. அதனால் நாடு முழுக்கவே பள்ளி, கல்லூரிகள் மூடப்பட்டன. பத்தாம் வகுப்புத் தேர்வு முதலில் ஒத்தி வைக்கப்படும் அறிவிப்பு வந்தது. அதற்கு எழுந்த கடும் எதிர்ப்பால் தேர்வு ரத்து செய்யப்பட்டது. மாணவர்கள் எல்லோரும் ஆல்பாஸ் செய்யப்பட்டார்கள். நோய்த் தொற்று அதிவேகமாகப் பரவி வரும் நிலையில் பள்ளிகள் எப்போது மீண்டும் திறக்கப்படும் என்பது பெரிய கேள்விக்குறியாக இருக்கிறது.

இந்த நிலையில் தனியார் பள்ளிகளில் மாணவர்களுக்கு ஆன்லைன் மூலம் வகுப்புகள் நடத்தத் தொடங்கிவிட்டனர். தமிழக அரசும் கல்வித் தொலைக்காட்சி வழியாக அரசுப் பள்ளி மாணவர்களுக்கு பாடம் நடத்தப்படும் என அறிவித்திருக்கிறது.

Online

ஆன்லைன் வழி கற்பித்தலுக்கு சமூக ஆர்வலர்களில் பெரும்பான்மையோர் எதிர்ப்பு தெரிவித்துவருகின்றனர். காரணம், அதனால் ஏற்படும் மன ரீதியான, உடல் ரீதியான பிரச்னைகளைப் பட்டியல் போடுகின்றனர். அதேநேரம் மிக நிண்ட இடைவெளியில் குழந்தைகள் பள்ளியோடு தொடர்பில்லாது இருந்தால் இடைநிற்றல் அதிகமாகி விடும் என்ற வாதமும் ஒருபக்கம் சொல்லப்படுகிறது.

இந்த நிலையில் ஆன்லைன் வழியாக பாடம் கற்கும் மாணவனின் வீடியோ ஒன்று சமூக ஊடகங்களில் வைரலாகி வருகிறது.

4 அல்லது 5 வயது இருக்கும் குழந்தைக்கு ஆசிரியர் ஹோம்வொர்க் கொடுத்திருக்கிறார். ஆனால், அந்தக் குழந்தை ஹோம்வொர்க் செய்ய வில்லை. அதை அதட்டி அக்குழந்தையின் அம்மா விசாரிக்கிறார். எப்படியாவது நாளை செய்துவிடுகிறேன் என்று அக்குழந்தை கையெடுத்துக் கும்பிட்டுக் கேட்கிறது. விடாமல் அம்மா கேட்க, கண்ணீர் விட்டு அழுது கைக்கூப்பி கெஞ்சுகிறது.

(ஒருவேளை அக்குழந்தையின் அம்மா விளையாட்டாக நினைத்து இதை எடுத்திருக்கலாம். ஏனெனில் ஒரு குழந்தைக்கு அம்மாவை விட உரிமை கொண்டவர் யார் இருக்கப் போகிறார்கள். ஆனால், குழந்தை அச்சத்தோடு சொல்வது நமக்கு பதற்றத்தை அளிக்கிறது)

அதைப் பார்க்கும் எவரும் ஒருநிமிடம் ஷாக் ஆகிவிடுவார்கள். கல்வி என்பது மகிழ்ச்சியோடு கற்பது எனும் அடிப்படையே மாறி, கசக்கி பிழிவதாகி விட்டது. மனப்பாடம் செய்வதே கல்வியின் முக்கிய வேலையாகி விட்டது என்று நெட்டிசன்கள் கமெண்ட் செய்துவருகிறார்கள்.

Most Popular

திருப்பதி கோயில் திறக்கப்பட்டதிலிருந்து சுமார் 743 ஊழியர்களுக்கு கொரோனா தொற்று!

திருப்பதியில் நாளுக்கு நாள் கொரோனா தொற்றானது அதிகரித்து வருகிறது. மத்திய அரசின் பொது முடக்க தளர்வுகளின் போது, திருப்பதி ஏழுமலையான் கோவில் திறக்கப்பட்டு பக்தர்கள் அனுமதிக்கப்பட்டனர். இதனால் அங்கு கோவில் ஊழியர்கள் முதல்...

தமிழகம் முழுவதும் உடற்பயிற்சிக் கூடங்கள் இன்று காலை முதல் செயல்படத் தொடங்கியது!

கொரோனா தொற்று காரணமாக மூடப்பட்டு கிடந்த உடற்பயிற்சி கூடங்கள் இன்று முதல் இயங்கலாம் என முதல்வர் பழனிசாமி அறிவித்துள்ளார். 50 வயது மற்றும் அதற்கு குறைவான வயதுடைய வாடிக்கையாளர்களுடன் ஜிம்கள் இயங்கலாம் என்றும்...

சிறிய வழிபாட்டு தலங்களில் பொதுமக்கள் தரிசனத்திற்கு இன்று முதல் அனுமதி!

சென்னை உள்பட மாநகராட்சி பகுதிகளில் உள்ள சிறிய வழிபாட்டுத் தலங்கள் இன்று திறக்கப்படுகின்றன. தமிழகத்தில் கொரோனா பரவல் சற்று வீரியம் குறைந்து வருகிறது. இதனால் கொஞ்சம் கொஞ்சமாக தமிழகத்தில் ஊரடங்கு தளர்வு அறிவிக்கபட்டு வருகிறது. அதன்...

“பாலில் மருந்து பிறகு பலருக்கு விருந்து” பிரபல அனாதை இல்லத்தில் பெண்கள் பலாத்காரம் -பதினாலு வயது பெண் மூலம் வெளிவந்த திடுக்கிடும் தகவல்..

தெலுங்கானா மாநிலம் ஹைதராபாத் அருகே மேட்சல் மாவட்டத்தில் வேணுகோபால் என்பவரின் நன்கொடையில் மாருதி அனாதை இல்லம் இயங்கி வந்தது .இங்கு நூற்றுக்கணக்கான சிறுவர் சிறுமிகள் தங்கி இருக்கிறார்கள் .அந்த அனாதை இல்லத்தை விஜயா...