Home தமிழகம் 5-வது முறையாக முழு கொள்ளளவை எட்டிய வைகை அணை... மகிழ்ச்சியில் 5 மாவட்ட மக்கள்...

5-வது முறையாக முழு கொள்ளளவை எட்டிய வைகை அணை… மகிழ்ச்சியில் 5 மாவட்ட மக்கள்…

தேனி

வைகை அணை தனது வரலாற்றில் 5-வது முறையாக இன்று முழு கொள்ளளவான 71 அடியை எட்டியுள்ளது. இதனால், மதுரை, ராமநாதபுரம் உள்ளிட்ட 5 மாவட்ட மக்கள் மகிழ்ச்சி அடைந்துள்ளனர்.

தேனி மாவட்டம் ஆண்டிப்பட்டி அருகே வைகை அணை அமைந்துள்ளது. 71 அடி உயரம் கொண்ட இந்த அணையில், நீர்பிடிப்பு பகுதிகளில் கடந்த ஒரு வார காலமாக பெய்த தொடர் மழையின் காரணமாக நீர்மட்டம் வேகமாக அதிகரித்து வந்தது. வழக்கமாக அணையில் 69 அடி வரை மட்டுமே தண்ணீர் தேக்கப்படும் நிலையில், இந்த ஆண்டு 71 அடி வரை தண்ணீரை தேக்கி வைக்க பொதுப் பணித்துறையினர் முடிவெடுத்தனர்.

இதன்படி நேற்று மாலை வைகை அணையின் நீர்மட்டம் 70 அடியை எட்டியிருந்த நிலையில், அணைக்கு வினாடிக்கு 2 ஆயிரத்து 500 கனஅடி நீர் வந்துகொண்டிருந்தது. இந்த நிலையில் இன்று காலை அணை தனது முழு கொள்ளளவான 71 அடியை 5-வது முறையாக எட்டி சாதனை படைத்தது. இதற்கு முன்பாக கடந்த 2008ஆண்டில் அணை முழு கொள்ளளவை எட்டியிருந்தது.

இன்று காலை நிலவரப்படி வைகை அணையின் நீர்மட்டம் 71 அடியாகவும், நீர்வரத்து வினாடிக்கு 2 ஆயிரம் கனஅடியாகவும் இருந்தது. பாதுகாப்பு கருதி அணைக்கு வரும் தண்ணீர் முழுமையாக வைகை ஆற்றில் திறக்கப்பட்டு வருகிறது. இதனால் வைகை அணையில் தண்ணீர் சீறிப்பாய்ந்து சென்றது. இதனிடையே, வைகை அணை நிரம்பியதால் அணை வாழ்வாதாரமாக கொண்டுள்ள தேனி, மதுரை, திண்டுக்கல், சிவகங்கை மற்றும் ராமநாதபுரம் மாவட்ட பொதுமக்கள் மற்றும் விவசாயிகள் மகிழ்ச்சி அடைந்துள்ளனர்.

மாவட்ட செய்திகள்

Most Popular

கீழ்பவானி கால்வாயில் மூழ்கி இளம்பெண் பலி… மாயமான தந்தையை தேடும் பணி தீவிரம்…

ஈரோடு பவானி அருகே கால்வாயில் குளித்த இளம்பெண் நீரில் மூழ்கி பரிதாபமாக உயிரிழந்தார். மேலும், நீரில் மூழ்கிய அவரது தந்தையை தேடும் பணி தீவிரமாக நடைபெற்று...

தமிழகத்தில் கொரோனாவால் இன்று மட்டும் 5 பேர் உயிரிழப்பு

உலக அளவில் கொரோனா வைரஸால் பாதிக்கப்பட்டவர்களின் எண்ணிக்கை சுமார் 11 கோடியே 40 லட்சத்துக்கும் மேல் அதிகரித்துள்ளது. 25 லட்சத்து 30 ஆயிரத்துக்கும் மேற்பட்டோரை உயிரிழக்க செய்த இந்த கொடிய...

தொகுதி பங்கீடு தொடர்பாக அதிமுகவுடன் பாஜக மீண்டும் பேச்சுவார்த்தை

தமிழக சட்டப்பேரவை தேர்தல் வரும் 6 ஆம் தேதி நடைபெற உள்ளதாக தேர்தல் ஆணையம் தெரிவித்துள்ளது. இதனால் தமிழக தேர்தல் அரசியல் கட்சிகள் தேர்தல் பணிகளில் மும்முரம் காட்டி வருகிறது....

சென்னையில் போஸ்டர்கள், கொடிகளை அகற்றிய தேர்தல் அதிகாரி

சென்னையில் அனுமதி வழங்கப்பட்டுள்ள 196 இடங்களில் மட்டுமே பொதுக்கூட்டம் நடத்த வேண்டும் என சென்னை மாவட்ட தேர்தல் அதிகாரி பிரகாஷ் தெரிவித்துள்ளார். இதுகுறித்து சென்னையில் செய்தியாளர்களிடம்...
TopTamilNews