Home இந்தியா இந்தியாவில் கொரோனா தடுப்பூசி எடுத்தவர்களில் இருவர் திடீர் மரணம்

இந்தியாவில் கொரோனா தடுப்பூசி எடுத்தவர்களில் இருவர் திடீர் மரணம்

இந்தியாவில் கடந்த 16ஆம் தேதி முதல், நாடு முழுவதும் கொரோனா வைரஸுக்கு எதிரான தடுப்பூசி மக்கள் பயன்பாட்டுக்கு வந்தது. கோவிஷீல்டு மற்றும் கோவாக்சின் தடுப்பூசிகள் முன்களப்பணியாளர்களுக்கு செலுத்தப்பட்டு வருகிறது. முதல் நாளில் ‘கோவின்’ செயலின் முன்பதிவு செய்திருந்தவர்களுக்கு மட்டுமே தடுப்பூசி போடப்பட்டுவருகிறது.

This image has an empty alt attribute; its file name is 5ttm-1024x683.jpg

உத்தரப் பிரதேச மாநிலம் மொராதாபாத் பகுதியிலுள்ள 52 வயதான மருத்துவமனை ஊழியர் ஒருவருக்குக் கடந்த சனிக்கிழமை தடுப்பூசி அளிக்கப்பட்டது. அவர் கொரோனா தடுப்பூசி போட்ட அடுத்த நாளே உயிரிழந்தார். இதேபோல் கர்நாடகாவிலும் கொரோனா தடுப்பூசி எடுத்தவர் பேர் மரணமடைந்துள்ளனர். உத்தரபிரதேசத்தை சேர்ந்தவரின் மரணம் தடுப்பூசியால் நிகழவில்லை என பிரேத பரிசோதனையில் தெரியவந்துள்ளது. கர்நாடகாவை சேர்ந்த 43 வயது நபர், தடுப்பூசி போட்ட 2வது நாளில் உயிரிழந்ததாக தகவல்கள் தெரிவிக்கின்றன. கர்நாடகாவை சேர்ந்தவருக்கு பிரேத பரிசோதனை செய்ய மத்திய சுகாதார அமைச்சகம் திட்டமிட்டுள்ளது. மேலும் டெல்லியில் 50க்கும் மேற்பட்ட சுகாதார ஊழியர்களுக்கு பக்க விளைவுகள் ஏற்பட்டுள்ளது. அதேபோல் நாடு முழுவதும் சுமார் 447 பேருக்கு பக்கவிளைவுகள் ஏற்பட்டுள்ளதாக மத்திய அரசு தெரிவித்திருந்தது.

இதனிடையே கடந்த 24 மணி நேரத்தில் மட்டும் இந்தியாவில் புதிதாக 13, 962 பேருக்கு கொரோனா பாதிப்பு உறுதி செய்யப்பட்டுள்ளது. இதன் மூலம் கொரோனா பாதிக்கப்பட்டோரின் மொத்த எண்ணிக்கை 1.05 கோடியாக உயர்ந்துள்ளது. அதேபோல நேற்று ஒரே நாளில் 145 பேர் உயிரிழந்துள்ளனர். இதனால் கொரோனாவால் உயிரிழந்தவர்களின் எண்ணிக்கையும் 1.52 லட்சத்தைத் தாண்டியுள்ளது.

மாவட்ட செய்திகள்

Most Popular

வரும் 15 முதல் 26ம் தேதி வரை முதலாமாண்டு மாணவர்களுக்கு தேர்வு- அண்ணா பல்கலை

தமிழகத்தில் கொரோனா வைரஸ் அச்சறுத்தலால் கடந்த ஆண்டு மார்ச் மாதம் பள்ளி, கல்லூரிகள் மூடப்பட்டன. பொதுத் தேர்வு எழுதும் மாணவர்களின் நிலையை கருத்தில் கொண்ட அரசு, ஜன.19ம் தேதி முதல்...

சிறுமலையில் சரக்கு வேன் கவிழ்ந்து விபத்து – 9 பேர் படுகாயம்

திண்டுக்கல் திண்டுக்கல் மாவட்டம் சிறுமலையில் சரக்கு வாகனம் கவிழ்ந்த விபத்தில் ஓட்டுநர் உள்பட 9 பேர் படுகாயம் அடைந்தனர். திண்டுக்கல் மாவட்டம்...

லிவ்வீங் டூ கெதரில் இருந்தால் பாலியல் வன்கொடுமையாகுமா? பெண்ணுக்கு உச்சநீதிமன்றம் கேள்வி

உத்திர பிரதேசத்தை சேர்ந்த வினய் பிரதாப் சிங் என்பவர் தன்னை பாலியல் வன்கொடுமை செய்ததாக குற்றஞ்சாட்டிய பெண்ணுக்கு உச்சநீதிமன்றம் அறிவுறுத்தியுள்ளது. இரண்டு ஆண்டுகளாக வினய் பிரதாப்...

பெண்களுக்கு அதிக பாதிப்பை ஏற்படுத்தும் பித்தப்பை கல்… அறிகுறிகள் அறிவோம்!

நாம் சாப்பிட்ட உணவை செரிக்க பல நொதிகள் செரிமான மண்டலத்தில் உருவாகிறது. கொழுப்பை செரிக்கக் கல்லீரலில் பித்தநீர் உருவாகிறது. இது பித்தப்பையில் சேகரிக்கப்பட்டு duodenum எனப்படும் சிறுகுடலின் முதல் பகுதியில்...
TopTamilNews