Home அரசியல் இந்தியாவில் வசிக்க மெகபூபா முப்திக்கும், பரூக் அப்துல்லாவுக்கும் உரிமை இல்லை... மத்திய அமைச்சர் ஆவேசம்

இந்தியாவில் வசிக்க மெகபூபா முப்திக்கும், பரூக் அப்துல்லாவுக்கும் உரிமை இல்லை… மத்திய அமைச்சர் ஆவேசம்

ஜம்மு அண்டு காஷ்மீரின் முன்னாள் முதல்வர்கள் மெகபூபா முப்தியும், பரூக் அப்துல்லாவும் இந்தியாவில் வசிக்க எந்த உரிமையும் இல்லை என்று மத்திய அமைச்சர் பிரல்ஹாத் ஜோஷி தெரிவித்தார்.

ஜம்மு அண்டு காஷ்மீருக்கான சிறப்பு அந்தஸ்து நீக்கப்பட்டதற்கு முன்னாள் முதல்வர்கள் மெகபூபா முப்தி, பரூக் அப்துல்லா மற்றும் உமர் அப்துல்லா கடும் எதிர்ப்பு தெரிவித்து வருகின்றனர். மேலும், ஜம்மு அண்டு காஷ்மீருக்கு மீண்டும் சிறப்பு அந்தஸ்து வழங்கக் கோரி பரூக் அப்துல்லாவின் தேசிய மாநாட்டு கட்சி, மெகபூபா முப்தியின் மக்கள் ஜனநாயக கட்சி உள்பட மொத்தம் 7 கட்சிகள் இணைந்து குப்கர் அறிக்கைக்கான கூட்டணியை அண்மையில் உருவாக்கின.

பிரல்ஹாத் ஜோஷி

இந்த சூழ்நிலையில், மெகபூபா முப்தியும், பரூக் அப்துல்லாவும் இந்தியாவில் வசிக்க எந்த உரிமையும் இல்லை என்று மத்திய அமைச்சர் பிரல்ஹாத் ஜோஷி தெரிவித்துள்ளார். பிரல்ஹாத் ஜோஷி செய்தியாளர்களிடம் பேசுகையில் கூறியதாவது: ஜம்மு அண்டு காஷ்மீர் மக்கள் ஜனநாயக கட்சியின் தலைவர் மெகபூபா முப்திக்கும், ஜம்மு அண்டு காஷ்மீர் தேசிய மாநாட்டு கட்சியின் தலைவர் பரூக் அப்துல்லாவுக்கும் இந்தியாவில் வசிக்க எந்த உரிமையும் இல்லை. நம்மை சீனா தாக்க முயற்சி செய்து கொண்டிருக்கும்வேளையில், அவர்களில் ஒருவர் சொல்கிறார் சீனாவின் ஆதரவுடன் நாங்கள் சட்டப்பிரிவு 370ஐ மீட்டெடுப்போம் என்று கூறுகிறார். சர்வதேச சமுதாயத்துக்கு எந்தமாதிரியான செய்தியை கொடுக்க போகிறீர்கள்? இவ்வாறு அவர் தெரிவித்தார்.

உமர் அப்துல்லா

ஜம்மு அண்டு காஷ்மீர், லடாக் ஆகிய யூனியன் பிரதேசங்களுக்கான புதிய நிலச்சட்டங்களுக்கான அறிவிக்கையை மத்திய உள்துறை அமைச்சகம் கடந்த சில தினங்களுக்கு முன் வெளியிட்டது. அதில் ஜம்மு அண்டு காஷ்மீரில் 26 சட்டங்களை மாற்றி அல்லது ரத்து செய்து மத்திய அரசு உத்தரவிட்டுள்ளது. இதனால் இனி நாட்டின் எந்தகுடிமகனும் காஷ்மீரில் நிலங்களை வாங்கலாம். மத்திய அரசின் இந்த நடவடிக்கையை தேசிய மாநாட்டு கட்சியின் துணை தலைவர் உமர் அப்துல்லா விமர்சனம் செய்துள்ளார். இது ஒரு வஞ்சம் மற்றும் நம்பிக்கையை மீறுவது என்று உமர் அப்துல்லா குறிப்பிட்டார்.

மாவட்ட செய்திகள்

Most Popular

குழந்தைகளின் ஆபாச படங்களை, சமூக வலைதளங்களில் பகிர்ந்த இளைஞர் கைது

திண்டுக்கல் திண்டுக்கல்லில் குழந்தைகளின் ஆபாச படங்களை சமூக வலைதளத்தில் பகிர்ந்த இளைஞரை போலீசார் கைதுசெய்து, விசாரித்து வருகின்றனர். தமிழகத்தில் குழந்தைகளின் ஆபாச படங்களை சமூக வலைதளங்களில்...

தமிழகத்தில் 1,416 பேருக்கு கொரோனா, 14 பேர் உயிரிழப்பு!

உலக அளவில் கொரோனா வைரஸால் பாதிக்கப்பட்டவர்களின் எண்ணிக்கை சுமார் 6 கோடியே 49ஆயிரமாக அதிகரித்துள்ளது. 15லட்சத்து 2ஆயிரத்துக்கும் மேற்பட்டோரை உயிரிழக்க செய்த இந்த கொடிய வகை கொரோனா வைரசுக்கு இன்னும்...

பொதுமக்கள் யாரும் வெளியே வர வேண்டாம்- தூத்துக்குடி மாவட்ட ஆட்சியர்

தூத்துக்குடி மாவட்டத்தில் மாலை 6 மணிக்கு மேல் பொதுமக்கள் யாரும் வெளியே வர வேண்டாம் என மாவட்ட ஆட்சியர் செந்தில் ராஜ் வேண்டுகோள் விடுத்துள்ளார். தெற்கு...

எம்.ஜி.ஆரின் ஆட்சியை மீண்டும் மலரச்செய்வார் ரஜினி… சைதை துரைசாமி

நடிகர் ரஜினிகாந்த் அரசியல் கட்சி தொடங்கப்போவதாக அறிவித்துள்ளது குறித்து அரசியல் கட்சி தலைவர்கள் மாறுபட்ட கருத்துக்களை தெரிவித்து வருகின்றனர். ’’ஆன்மீகத்தையும் அரசியலையும் தனியாக பார்க்க வேண்டும்....
Do NOT follow this link or you will be banned from the site!