300 பேருக்கு கொரோனா தடுப்பூசி – இங்கிலாந்து விஞ்ஞானிகள் சோதனை செய்ய திட்டம்

லண்டன்: தாங்கள் கண்டுபிடித்துள்ள கொரோனா தடுப்பூசியை 300 பேருக்கு போட்டு சோதனை செய்ய இங்கிலாந்து விஞ்ஞானிகள் திட்டமிட்டுள்ளனர்.

இம்பீரியல் கல்லூரியில் உருவாக்கப்பட்ட கொரோனா தடுப்பூசியை இரண்டு அளவுகளுடன் 300 ஆரோக்கியமான மக்களுக்கு போட்டு நோய்த் தடுப்பு செய்ய அந்நாட்டு விஞ்ஞானிகள் திட்டமிட்டுள்ளனர். இதற்காக 41 மில்லியன் பவுண்டுகள் நிதி செலவழிக்கப்பட்டுள்ளது.

லண்டன் இம்பீரியல் கல்லூரி உருவாக்கிய தடுப்பூசி இதுவரை ஆய்வகத்திலும், விலங்குகளிலும் மட்டுமே பரிசோதிக்கப்பட்டுள்ளது. நோயாளிகளிடம் இருக்கும் ஆன்டிபாடிகளை விட அதிக அளவு ஆன்டிபாடிகளை இந்த தடுப்பூசி உருவாக்கியது. கொரோனா தொற்றுநோயை ஒரு பயனுள்ள தடுப்பூசி மூலம் மட்டுமே நிறுத்தக்கூடும் என்று பல விஞ்ஞானிகள் எச்சரித்துள்ளனர். அதை உருவாக்க இது பொதுவாக பல ஆண்டுகள் ஆகும் என்று கூறியுள்ளனர்.