அவுரங்காபாத்: கொரோனா பராமரிப்பு மையத்தில் இருந்து கொரோனா பாதித்த இரு கைதிகள் தப்பித்து சென்றனர்.
அண்மையில் கொரோனா வைரஸுக்கு சாதகமாக சோதனை செய்த இரண்டு கைதிகள் மகாராஷ்டிராவின் அவுரங்காபாத் மாவட்டத்தில் உள்ள ஒரு கொரோனா பராமரிப்பு மையத்திலிருந்து தப்பித்தனர். இருவரும் சிறையில் இருந்து வெளியேற ஒரு ஜன்னலின் கிரில் கம்பிகளை வளைத்து, படுக்கை விரிப்புகளை கயிறுகளாகப் பயன்படுத்தி அங்கிருந்து தப்பித்து சென்றனர்.
இந்த விவகாரத்தால் சிறை ஊழியர் சஸ்பெண்ட் செய்யப்பட்டு பேகம்புரா காவல் நிலையத்தில் வழக்கு பதிவு செய்யப்பட்டுள்ளது. ஹர்சுல் சிறைச்சாலையில் 29 கைதிகளுக்கு கொரோனா பாதிப்பு உறுதி செய்யப்பட்டது. அதனால் அவர்கள் சிகிச்சைக்காக கொரோனா பராமரிப்பு மையத்திற்கு அனுப்பப்பட்டனர். அவர்களில் அவுரங்காபாத்தில் வசிக்கும் சையத் சைஃப் மற்றும் அக்ரம்கான் இருவரும் அங்கிருந்து தப்பினர். இதைத் தொடர்ந்து தப்பித்து சென்றவர்களை துரத்திச் சென்று பிடிக்க பாதுகாப்புப் பணியாளர்கள் முயன்றனர். ஆனால் இருவரும் இருளைப் பயன்படுத்தி தப்பித்ததாக கூறப்படுகிறது. இந்த விவகாரம் தொடர்பாக விசாரணை நடந்து வருகிறது.