Home இந்தியா கோயில் மூடப்பட்டதால் ரூ.200 கோடி இழப்பு..... நிதி நெருக்கடியால் கோயில் விளக்குகளை ஏலம் விடும் திருவாங்கூர் தேவஸ்தானம்.....

கோயில் மூடப்பட்டதால் ரூ.200 கோடி இழப்பு….. நிதி நெருக்கடியால் கோயில் விளக்குகளை ஏலம் விடும் திருவாங்கூர் தேவஸ்தானம்…..

லாக்டவுன் காரணமாக கேரளாவில் திருவாங்கூர் தேவஸ்தானம் வாரியத்தின்கீழ் உள்ள அனைத்து கோயில்களும் கடந்த 2 மாதங்களுக்கு மேலாக அடைக்கப்பட்டுள்ளன. இதனால் திருவாங்கூர் தேவஸ்தானம் வாரியத்துக்கு கடுமையான நிதி நெருக்கடி ஏற்பட்டுள்ளது. இதனை சமாளிக்க அனைத்து கோயில்களிலும் பயன்படுத்தாமல் உள்ள விளக்குகள், பாத்திரங்களை விற்பனை செய்து நிதி திரட்ட முடிவு செய்துள்ளதாக திருவாங்கூர் தேவஸ்தானம் வாரிய தலைவர் நேற்று முன்தினம் தெரிவித்தார். தேவஸ்தானம் துணை ஆணையர் மற்றும் கண்காணிப்பு அதிகாரிகள் முன்னிலையில் 1,248 கோயில்களில் உள்ள விலை மதிப்பில்லாத பொருட்களை சேகரிக்க வாரியம் முயன்று வருகிறது.

திருவாங்கூர் தேவஸ்தானம் வாரியம்

கோயில்களுக்கு சொந்தமான விளக்குகள், பாத்திரங்களை ஸ்கிராப் வியாபாரிகளுக்கு ஏலம் விட்டு நிதி திரட்ட வாரியம் முடிவு செய்துள்ளது. இதற்கு இந்து ஐக்ய வேதி உள்ளிட்ட அமைப்புகள் கடுமையாக எதிர்ப்பு தெரிவித்துள்ளன. மேலும், திருவாங்கூர் தேவஸ்தானம் வாரியத்தின் கோயில் பொருட்களை ஏலம் விடும் முடிவை எதிர்த்து கேரள உயர் நீதிமன்றத்தில் மனு தாக்கல் செய்துள்ளன. மேலும் அந்த மனுவில், தங்கம், வெள்ளி போன்ற விலைமதிப்பற்ற உலோகங்களை பயன்படுத்த முடியாத உலோகங்களிலிருந்து பிரித்து வங்கிகளில் டெபாசிட் செய்வதற்கான வாரியத்தின் நடவடிக்கை குறித்தும் மனுவில் கேவி எழுப்பப்பட்டு இருந்தது. இது தொடர்பாக 7 நாட்களுக்குள் பிராமண பத்திரம் தாக்கல் செய்யுமாறு திருவாங்கூர் தேவஸ்தான வாரியத்துக்கு உயர் நீதிமன்றம் உத்தரவிட்டுள்ளது.

தேவஸ்தானம் வாரியத்தின் தலைவர் என். வாசு

இந்நிலையில், நேற்று திருவாங்கூர் தேவஸ்தானம் வாரியத்தின் தலைவர் என். வாசு கூறியதாவது: நாடு தழுவிய லாக்டவுனால் தேவஸ்தானம்கீழ் உள்ள அனைத்து கோயில்களும் கடந்த 2 மாதங்களுக்கு மேலாக மூடப்பட்டுள்ளன. இதனால் ஒட்டு மொத்த அளவில் ரூ.200 கோடிக்கு மேல் இழப்பு ஏற்பட்டுள்ளது. மத்திய அரசின் திட்டத்தின்படி, 2.5 சதவீத வட்டியில் தங்கத்தை நாம் வங்கியில் வைக்கலாம். ஆகையால் நாணயம், கட்டிகள் உள்ளிட்ட தங்கத்தை வங்கியில் டெபாசிட் செய்வது சிறந்தது என நாங்கள் நினைத்தோம். இவ்வாறு அவர் தெரிவித்தார்.

Most Popular

மொத்த பாதிப்பு 3.38 கோடி – உலகளவில் கொரோனா நிலவரம்

கொரோனாவின் கோரப்பிடியில் உலகம் சிக்கித் தவிக்கிறது.. செப்டம்பர் 30-ம் தேதி நிலவரப்படி நிலவரப்படி,  உலகளவில் கொரோனாவின் பாதிப்பு எவ்வளவு, குணம் அடைந்தவர்கள், மரணம் அடைந்தவர்கள் உள்ளிட்ட விவரங்களைப் பார்ப்போம்.

14 ஆவது ஊதிய ஒப்பந்தம்; பேச்சுவார்த்தை நடத்தக்கோரி போக்குவரத்து ஊழியர்கள் ஆர்ப்பாட்டம்!

போக்குவரத்து ஊழியர்களின் 14வது ஊதிய ஒப்பந்தம் குறித்து பேச்சுவார்த்தை நடத்த வேண்டும் என திருச்சியில் ஊழியர்கள் ஆர்ப்பாட்டத்தில் ஈடுபட்டு வருகின்றனர். தமிழக அரசுப் போக்குவரத்து கழகத்தில்...

“குற்றவாளிகள் மீது கடும் நடவடிக்கை எடுக்கப்பட வேண்டும்” : பிரதமர் மோடி அறிவுறுத்தல்!

உ.பி.யில் இளம்பெண் பாலியல் வன்கொடுமை செய்யப்பட்ட வழக்கில் சிறப்பு விசாரணைக் குழு அமைக்கப்படும் என்று முதல்வர் யோகி ஆதித்யநாத் தெரிவித்துள்ளார்.

முதல்வர் எடப்பாடிக்கு திமுக உறுப்பினர் அட்டை – திமுக இணையதள காமெடி!

மு.க.ஸ்டாலின் தலைமையிலான தி.முவில் “எல்லோரும் நம்முடன்.”. “வாருங்கள் திமுகவில் இணையலாம்” என்ற இணைய தள அமைப்பு, அரசியல் ரீதியாக பரவலாக பேசப்பட்டு வருகிறது. இணைய தளம் தொடங்கிய 3 நாட்களில்...
Do NOT follow this link or you will be banned from the site!