Home மாவட்டங்கள் திருச்சிராப்பள்ளி மத்திய அரசை கண்டித்து தொழிற்சங்க நிர்வாகிகள் சாலை மறியல்

மத்திய அரசை கண்டித்து தொழிற்சங்க நிர்வாகிகள் சாலை மறியல்

திருச்சி

பொதுத்துறை நிறுவனங்களை தனியார் மயமாக்குவதை கண்டித்தும், வேளாண் சட்டங்களை திரும்ப பெற வலியுறுத்தியும் திருச்சியில் மத்திய தொழிற்சங்கங்கள் சார்பில் சாலை மறியல் போராட்டம் நடைபெற்றது.

பொதுத்துறை நிறுவனங்களை தனியார் மயமாக்கும் மத்திய அரசின் கொள்கை முடிவை கண்டித்தும், வேளாண் சட்டங்கள் மற்றும் தொழிலாளர்களை வஞ்சிக்கும் வகையில் நிறைவேற்றப்பட்ட சட்டங்களை திரும்ப பெறுதல் உள்ளிட்ட பல்வேறு கோரிக்கைகளை வலியுறுத்தி, மத்திய தொழிற்சங்கங்கள் சார்பில் நாடுதழுவிய போராட்டத்திற்கு அழைப்பு விடுக்கப்பட்டு, நடைபெற்று வருகிறது. அதன் ஒருபகுதியாக திருச்சி மாவட்டத்தில் மத்திய தொழிற்சங்கள் ஒன்றிணைந்து, எல்.ஐ.சி, போக்குவரத்து, பாதுகாப்புத்துறை, பி.எஸ்.என்.எல் மற்றும் வங்கிகளில் பணிபுரியும் ஊழியர்கள் வேலைநிறுத்த போராட்டத்தில் ஈடுபட்டு உள்ளனர்.

மேலும், திருச்சி மாநகராட்சி அலுவலகம் முன்பு நடைபெற்ற கண்டன ஆர்ப்பாட்டத்தில் சிஐடியு, ஏஐடியுசி, ஐஎன்டியுசி, எல்.பி.எப் உள்ளிட்ட பல்வேறு தொழிற்சங்கங்களையும் சேர்ந்த 500-க்கும் மேற்பட்டோர் கலந்துகொண்டனர். அப்போது, கோரிக்கைகளை வலியுறுத்தி முழக்கங்களை எழுப்பிய அவர்கள், அங்கிருந்து ஊர்வலமாக புறப்பட்டு சென்று எல்ஐசி அலுவலகத்தை முற்றுகையிட்டு சாலை மறியல் போராட்டத்தில் ஈடுபட்டனர். இதனால் அங்கு போக்குவரத்து பாதிக்கப்பட்டது.இதனை தொடர்ந்து, போராட்டத்தில் ஈடுபட்டவர்களை போலீசார் கைதுசெய்தனர்.

மாவட்ட செய்திகள்

Most Popular

சச்சின்-கோலி சதங்கள் அடித்ததை பார்த்தோம்.. இப்பம் பெட்ரோல், டீசல் சதம் அடிப்பதை பார்க்கிறோம்.. உத்தவ் நையாண்டி

சச்சின்-கோலி சதங்கள் அடித்ததை பார்தோம். இப்பம் பெட்ரோல் மற்றும் டீசல் சதம் அடிப்பதை பார்க்கிறோம் என்று எரிபொருள் விலை தொடர்பாக மகாராஷ்டிரா முதல்வர் உத்தவ் தாக்கரே கிண்டலடித்துள்ளார்.

பப்பு மீன் பிடிக்கிறார்… கடைசியில் இ.வி.எம். சரியில்லை என சொல்வர்கள்.. காங்கிரஸை தாக்கிய பா.ஜ.க. அமைச்சர்

பா.ஜ.க. தலைவர்கள் தீவிரமாக தேர்தல் பிரச்சாரம் செய்யும் வேளையில், பப்பு (ராகுல் காந்தி) மீன் பிடித்து கொண்டு இருக்கிறார் ஆனால் கடைசியில் மின்னணு வாக்குப்பதிவு எந்திரம் சரியில்லை என்று காங்கிரசார்...

செங்கோட்டை வன்முறைக்கு விவசாயிகள் காரணம் அல்ல…. மத்திய அரசுதான்.. அரவிந்த் கெஜ்ரிவால் குற்றச்சாட்டு

டெல்லி செங்கோட்டை வன்முறை சம்பவத்துக்கு விவசாயிகள் காரணம் அல்ல, அது மத்திய அரசின் சதி என்று டெல்லி முதல்வர் அரவிந்த் கெஜ்ரிவால் குற்றம் சாட்டியுள்ளார். மத்திய...

ஒரு துறை 2 ஆண்டுகளாக இருப்பது கூட தெரியாத தலைவரை மக்கள் விரும்புகிறார்களா? அமித் ஷா கேள்வி

ஒரு துறை 2 ஆண்டுகளாக இருப்பது கூட தெரியாத தலைவரை (ராகுல் காந்தி) விரும்புகிறீர்களா என்று மக்களிடம் கேட்க விரும்புகிறேன் என்று ராகுல் காந்தியை அமித் ஷா தாக்கி பேசினார்.
TopTamilNews