• October
    17
    Thursday

Main Area

Main



இன்று ஆனி பௌர்ணமி... மாங்கல்ய பாக்கியம், காதலில் வெற்றி, கல்வியில் முன்னேற்றம்னு எல்லா பலன்களுக்குமான பூஜை

ஆனி பௌர்ணமி
ஆனி பௌர்ணமி

சூரியனோட வடக்கு திசை நோக்கிய பயணத்தின் இறுதி மாசம் ஆனி மாசம். தமிழ் வருஷத்தோட கணிப்புபடி சித்திரை, வைகாசி அடுத்து மூன்றாவது மாசமாக ஆனி மாசம் வருது. ஆனி மாசத்துல வர்ற ரொம்ப விசேஷமான நாள் தான் ஆனி பௌர்ணமி. இந்த ஆனி பௌர்ணமி நாள்ல நாம செய்ய வேண்டிய விஷயங்கள் என்னென்ன... அதனால நமக்கு என்னென்ன பலன்கள் கிடைக்கும்னு டாப் தமிழ் நியூஸ் வாசகர்களுக்காக பிரத்யேகமா சொல்றேன்.

moon

இந்த வருஷம் ஆனி மாசப் பௌர்ணமி கேட்டை நட்சத்திர நாள்ல வருது.  இன்னைக்கு காரைக்கால் அம்மையாரின் தெய்வீக ஆற்றலைப் போற்றும் விதமா வருஷந்தோறும் மாங்கனி திருவிழா நடைபெறுகிறது. கோயில்களில் இறைவனுக்கு முக்கனிகள் படைத்து பூஜைகள் மற்றும் வழிபாடுகள் செய்யப்படுகிறது. ஆனி பௌர்ணமியில் தங்களின் இஷ்ட தெய்வங்களுக்கு பூஜைகள், வழிபாடுகள் செய்வது மிகுந்த பலன்களைத் தரும்.
இன்னைக்கு முன்னிரவு வேளையில் வானத்தில் தெரியும் சந்திரனை தரிசித்து வழிபடுறது ரொம்பவே விசேஷமானது.  இந்த ஆனி பௌர்ணமியில் திருவண்ணாமலை, திருப்பரங்குன்றம், சோளிங்கர், பழனி போன்ற மலை சார்ந்த கோயில்களில் இருக்கும் இறைவனை வழிபட்டு கிரிவலம் வரலாம். எக்கசெக்க புண்ணியங்கள் கிடைக்கும். 

god

இன்று கோயில்களில் பக்தர்களுக்கு பழச்சாறு போன்றவைகளைத் தானமாக தரலாம். இன்று விரதமிருந்து, பூஜை செய்து வழிபடுபவர்களுக்கு வாழ்க்கையில் சகல ஐஸ்வர்யங்களும் பெருகும். மாங்கல்ய பாக்கியம் ஏற்படும். கணவர்களின் ஆயுள் கூடும். விரும்பிய நபரையே மணமுடிக்கும் அமைப்பு உருவாகும். நீண்ட காலமாக புத்திரபாக்கியம் இல்லாதவர்களுக்கு குழந்தை பிறக்கும். மாணவர்கள் விரும்பிய உயர் கல்வியை கற்கும் சூழல் ஏற்படும். கொடிய நோய்களால் பாதிக்கப்பட்டவர்கள் அதிலிருந்து மீள்வார்கள். உணவு, உடை ஆகியவற்றிற்கு கஷ்டப்படும் நிலை ஏற்படாது

2018 TopTamilNews. All rights reserved.