திருப்பத்தூர்
திருப்பத்தூர் மாவட்ட தலைமை தீயணைப்புத்துறை அலுவலகத்தை, மாவட்ட ஆட்சியர் சிவன் அருள் இன்று தொடங்கி வைத்தார். ஒருங்கிணைந்த வேலூர் மாவட்டத்தில் இருந்து திருப்பத்தூர் 35-வது மாவட்டமாக பிரிக்கப்பட்டு சமீபத்தில் ஓராண்டு நிறைவடைந்தது. இதனையொட்டி, தீயணைப்பு துறைக்கான மாவட்ட அலுவலகம், வேலூரில் இருந்து பிரிக்கப்பட்டு இன்று திருப்பத்தூர் அவ்வைநகர் 4-வது தெருவில் உள்ள தனியார் கட்டிடத்தில் தொடங்கப்பட்டது.
இதனையொட்டி நடைபெற்ற தொடக்க நிகழ்ச்சியில் மாவட்ட ஆட்சியர் சிவன் அருள் கலநதுகொண்டு, குத்துவிளக்கு ஏற்றி, தீயணைப்பு நிலையத்தை தொடங்கி வைத்தார். இந்த நிகழ்ச்சியில், மாவட்ட தீயணைப்பு அலுவலர் முரளி , ஏடிஎஃப்ஓ பழனி உள்ளிடட ஏராளமானோர் கலந்துகொண்டனர்.