Home தமிழகம் தடுப்பூசி போட்டுக் கொண்டவர்களுக்கு பக்க விளைவுகள் இல்லை!

தடுப்பூசி போட்டுக் கொண்டவர்களுக்கு பக்க விளைவுகள் இல்லை!

கொரோனா தடுப்பூசி போட்டுக் கொண்டவர்களுக்கு பக்க விளைவுகள் ஏதும் இல்லை என தகவல் கிடைத்திருப்பதாக சுகாதாரத்துறை செயலாளர் ராதாகிருஷ்ணன் தெரிவித்திருக்கிறார்.

பிரபல செய்தி நிறுவனத்திற்கு அவர் அளித்த பேட்டியில், ” கொரோனா தடுப்பூசி போடுவது சவால் தான் இவற்றை சந்தித்தே அடுத்த கட்டத்திற்கு செல்ல வேண்டும். விருப்பத்திற்கு ஏற்றவாறு கொரோனா தடுப்பூசி போடப்பட்டு வருகிறது. அதில் இலக்கை நோக்கிய திட்டம் இல்லை. திட்டமிட்டபடி ஒவ்வொரு மையத்திலும் ஒரே நாளில் 100 தடுப்பூசி போட வேண்டும் என்பது கட்டாயமில்லை. முன்பதிவு செய்தவர்களை அடிப்படையாகக் கொண்டே 166 மையங்கள் தேர்வு செய்யப்பட்டது. மருத்துவக் கல்லூரி மருத்துவமனைகளில் கொரோனா தடுப்பூசிக்கு நல்ல வரவேற்பு இருந்தது” என்று கூறியிருக்கிறார்.

நாடு முழுவதும் கொரோனா தடுப்பூசி செலுத்தும் பணி காலை 10.30 மணிக்கு தொடங்கிய நிலையில், 5 மணி நேரத்திற்கு மேலாகியும் குறைந்த அளவிலேயே தடுப்பூசி செலுத்தப்பட்டிருப்பதாக தெரிகிறது. காஞ்சிபுரத்தில் 2 பேருக்கும், மதுரையில் 150 பேருக்கும் செலுத்தப்பட்டிருப்பதாக தகவல்கள் தெரிவிக்கின்றன. தடுப்பூசி போட்டுக் கொள்ள முன்களப் பணியாளர்கள் முன்வராததே இதற்கு காரணம் என கூறப்படுகிறது. தடுப்பூசி தொடர்பான அதிகாரப்பூர்வ அறிவிப்பை சுகாதாரத்துறை வெளியிடும் என எதிர்பார்க்கப்படுகிறது.

மாவட்ட செய்திகள்

Most Popular

மக்கள் நீதி மய்யத்துடன் காங்கிரஸ் கூட்டணியா?

தமிழக சட்டமன்றத் தேர்தல் நெருங்கிக் கொண்டிருக்கிறது. முதல்முறையாக முதல்வர் வேட்பாளராக களமிறங்கும் மு.க ஸ்டாலினுக்கு இது மிக முக்கியமான தேர்தல். அதே போல தான் அதிமுகவுக்கும். தேர்தலில் மீண்டும் தோல்வியை...

கம்யூனிஸ்டுகளின் முடிவு: திருமாவளவன் மவுனம்

திமுகவுடனான கம்யூனிஸ்டுகளின் தொகுதிப் பங்கீட்டில் தொடர்ந்து இழுபறி நீடித்து வருகிறது. தலா 12 சீட்டுகள் தங்களுக்கு ஒதுக்க வேண்டும் என்று கேட்டுள்ளனர். ஆனால் திமுகவோ சிபிஐக்கு 5ம், சிபிஎம்க்கு 6...

ரஜினி இல்லை; சட்டமன்ற தேர்தலை புறக்கணிக்கிறோம் : தமிழருவி மணியன் திடீர் அறிவிப்பு!

எந்தக் கட்சியின் மீதும் நம்பிக்கை இல்லாததால் வரவிருக்கும் சட்டமன்ற தேர்தலை காந்திய மக்கள் இயக்கம் முற்றாக புறக்கணிக்கிறது என்று தமிழருவி மணியன் அறிவித்துள்ளார்

3 மாத குழந்தையை கொன்று, தாய் தற்கொலை… தகாத உறவால் நேர்ந்த விபரீதம்…

சேலம் சங்ககிரி அருகே 3 மாத குழந்தையை கழுத்தை நெரித்து கொலை செய்துவிட்டு, இளம்பெண் தற்கொலை செய்த சம்பவம் அதிர்ச்சியை ஏற்படுத்தி உள்ளது.
TopTamilNews