• November
    18
    Monday

Main Area

Main



பணம் திருடிய கடையையே மதுபானவிடுதியாக பயன்படுத்திய திருடர்கள்

Kovaitheft in Bar Shop
Kovaitheft in Bar Shop

கோவை மாவட்டம் எலச்சிப்பாளையத்தில் உள்ள பெட்டிக்கடையில் நள்ளிரவு புகுந்த திருடர்கள் பணத்தை திருடியது மட்டுமின்றி அங்கேயே அமர்ந்து மதுபானம் அருந்திவிட்டு சென்றுள்ளனர்.

லலிதா ஜூவல்லரி போன்ற நகைக்கடைகள் பல கோடி ரூபாய் கொள்ளை அடிக்கும் கூட்டம் ஒரு பக்கம், பணக்காரர்கள் வீட்டை நோட்டமிட்டு லட்சம் லட்சமாய் நகை, பணம் திருடும் கூட்டம் ஒருபக்கம். ஆனால் அஞ்சுக்கும் பத்துக்கும் அன்றாடம் அல்லாடும் சிறு சிறு கடைகளில் சென்று பணத்தை திருடி அவர்களின் வயிற்றெரிச்சலை கொட்டிக் கொள்ளும் எதற்கும் லாயக்கற்ற திருடர் கூட்டம் மறுபக்கம். இந்த வகையில் ஒருசம்பவம் கோவையில் அரங்கேறி உள்ளது.

kovaitheft

கருமத்தம்பட்டி அருகே எலச்சிபாளையத்தில் மதுபான கடை அருகே பெட்டிக் கடை வைத்திருக்கிறார் நாகராஜ். நேற்றிரவு 10 மணிக்கு கடை பூட்டப்பட்டது. இன்று காலை கடையை திறக்க வந்து போது, கடையின் பூட்டு உடைக்கப்பட்டு இருப்பது கண்டு அதிர்ச்சியடைந்தார் நாகராஜ். கடைக்குள் சென்று பார்த்த போது, பணம் 8 ஆயிரத்து 500 ரூபாய், கேஸ் சிலிண்டர், அடுப்பு, குளிர்பானங்கள் உள்ளிட்டவற்றையும் திருடி சென்றது தெரியவந்தது. அதுமட்டுமின்றி திருடர்கள் பெட்டிக்கடையிலேயே மதுபானம் அருந்தி விட்டுச் சென்றதும் தெரியவந்தது. இதுதொடர்பாக நாகராஜ் அளித்த புகாரின் பேரில், கருமத்தம்பட்டி காவல் துறையினர் வழக்குப்பதிவு செய்து திருடர்களை தேடி வருகின்றனர்.

2018 TopTamilNews. All rights reserved.