சாம்சங் நிறுவனம் அதன் கேலக்ஸி ஏ மற்றும் கேலக்ஸி எம் உள்ளிட்ட ஸ்மார்ட்போன்களின் விலையை ஆயிரத்து 500 ரூபாய் வரை குறைத்துள்ளது.
இதன்படி ரூ. 30,999க்கு விற்பனையான சாம்சங் ஏ71 போன், இனி, ரூ. 29,499க்கு கிடைக்கும். ரூ. 24,999க்கு விற்பனையான 8ஜிபி ரேம் வகை கேலக்ஸி ஏ51 ரக போனுக்கு ஆயிரத்து 500 ரூபாய் தள்ளுபடியும், 6 ஜிபி ரேம் போனுக்கு ஆயிரம் ரூபாய் தள்ளுபடியும் அறிவித்துள்ளது. கேலக்ஸி ஏ31 போன் விலையையும் ஆயிரம் ரூபாய் குறைத்துள்ளது. ஏ21எஸ் போனின் விலையையும் இதேபோல குறைக்கப்பட்டுள்ளது.
பட்ஜெட் போன்களான கேல்க்ஸி எம்01 மற்றும் எம்01 கோர் போன்களின் விலையிலும் தலா 500 ருபாய் வரை சாம்சங் அதிரடியாக குறைத்துள்ளது. பண்டிகை காலத்தை முன்னிட்டு வாடிக்கையாளர்களை கவரும் வகையில் போன்களின் விலையை சாம்சங் குறைத்துள்ளது.
-எஸ். முத்துக்குமார்