கொரோனா நோயாளிக்கு இடம் கேட்ட தமிழிசை… அரை மணி நேரத்தில் இடம் ஒதுக்கிய தமிழக அரசு!

சென்னை அரசு மருத்துவமனைகளில் 93 வயதான கொரோனா நோயாளிக்கு அனுமதி கிடைக்காத நிலையில் தெலங்கான ஆளுநர் தமிழிசை தலையிட்ட பிறகு இடம் கிடைத்துள்ளது.

தெலங்கானா ஆளுநர் தமிழிசை சவுந்திரராஜன் வாட்ஸ் ஆப் மெசேஜை எடிட் செய்து ஸ்கிரீன்ஷாட் ஒன்றை ட்விட்டரில் பகிர்ந்துள்ளார். அதனுடன், “தமிழக சுகாதாரத் துறை அமைச்சர், சுகாதாரத் துறை செயலாளர் ஆகியோருக்கு சென்னையை சார்ந்த ஒரு குடும்பத்தினர் அனுப்பிய வாட்ஸ்அப் தகவலைப் பகிர்ந்திருந்தேன். அவரை உடனடியாக மருத்துவமனையில் சேர்க்க நடவடிக்கை எடுத்ததற்காக பாராட்டுகிறேன்” என்று கூறியிருந்தார்.

http://


அந்த ஸ்கிரீன்ஷாட்டில் சென்னை ஆதம்பாக்கத்தில் உள்ள தன்னுடைய 93 வயதான தந்தைக்கு கொரோனா பாசிடிவ் என்று வந்துள்ளது. அவரை மருத்துவமனையில் சேர்க்க முயன்றபோது முடியவில்லை. அவரை வீட்டிலேயே சுய தனிமைப்படுத்தலில் வைத்திருக்க சிலர் பரிந்துரைத்தனர். ஆனால், 4-5 நாட்களாக உணவு உட்கொள்ள முடியாமல் இருக்கும் அவரை வீட்டில் தனிமைப்படுத்துதல் என்பது சாத்தியமில்லை. ஓமந்தூரார், கே.எம்.சி, ஸ்டான்லி என எங்கு இடம் கிடைத்தாலும் பரவாயில்லை. தயவு செய்து ஏற்பாடு செய்து கொடுங்கள்” என்று உள்ளது.

இந்த தகவலை தமிழிசை தமிழக சுகாதாரத் துறை அமைச்சர், செயலாளர் ஆகியோருக்கு அனுப்பியதாக தெரிகிறது. அவர்கள் நோயாளியின் விவரத்தைக் கேட்டு சென்னை அரசு மருத்துவமனையில் இடம் கொடுக்க உத்தரவிட்டிருப்பது புரிகிறது. அதற்கு அவர் நன்றியும் கூறியிருக்கிறார்.
சென்னையில் நோயாளிகள் அனைவருக்கும் அரசு மருத்துவமனையில் இடம் உள்ளது என்று தமிழக அரசு கூறி வருகிறது. ஆனால், மருத்துவமனைக்கு சென்றால் இடம் இல்லை என்று திருப்பி அனுப்புவதாக பலரும் புகார் கூறுகின்றனர். இது தொடர்பாக டி.வி செய்தி வாசிப்பாளர் வரதராஜன் கூட பதிவிட அவர் மீது வழக்குப் பதிவு செய்யப்பட்டது. தற்போது இடம் வாங்க தெலங்கான ஆளுநர் போல யாராவது ஒருவர் சிபாரிசு தேவை என்பதை இந்த பதிவு காட்டுகிறது. சிபாரிசு எதுவுமின்றி இடம் கிடைக்கும் வகையில் அரசு நடவடிக்கை எடுக்க வேண்டும் என்பதே அனைவரின் எதிர்பார்ப்பாகவும் உள்ளது.

இதையும் படிக்கலாமே:மருத்துவர்களை நேரில் சந்தித்து ஊக்குவித்த தெலங்கானா ஆளுநர் தமிழிசை சவுந்தரராஜன்

Most Popular

தமிழகத்தில்தான் அதிக மருத்துவர்கள் பலி! பட்டியலோடு நிரூபித்த உதயநிதி ஸ்டாலின்

தமிழகத்தில் தற்போது கொரோனா பாதிப்பு கட்டுக்குள் வந்து கொண்டிருக்கிறது. தினசரி கொரோனா மருத்துவ பரிசோதனை மேற்கொள்ளும் அளவு அதிகரித்து வருகிறது. நாளுக்கு நாள் புதிதாக கொரோனா தொற்று ஏற்பட்ட நோயாளிகள் எண்ணிக்கை குறைந்து...

இவர்களை தவிர வேறுயாரும் வெளியில் வரக்கூடாது! சென்னைவாசிகளுக்கு காவல்துறையினர் அறிவுறுத்தல்!!

சென்னை பெருநகர காவல்துறையினர் வெளியிட்டுள்ள அறிவிக்கையில், “சென்னையில் 08.08.2020 இரவு 12.00 மணி முதல் 10.08.2020 தேதி காலை 06.00 மணி வரை தமிழக அரசு எந்தவித தளர்வும் இன்றி முழு ஊரடங்கு...

2 வாரங்களில் குழந்தையை பார்ப்போம் என்ற கனவுடன் இருந்த விமானி! விபத்தில் பலியான கொடுமை!!

கேரளாவின் கோழிக்கோடு விமானநிலையத்தில் நேற்றிரவு விபத்துக்குள்ளான ஏர் இந்தியா எக்ஸ்பிரஸ் விமானத்தில் மானி தீபக் வசந்த் சாதே, துணை விமானி அகிலேஷ் ஷர்மா உள்ளிட்ட 18 பேர் உயிரிழந்துள்ளனர். காயமடைந்த 123 பேரில்...

கொரோனாவால் பாதிக்கப்பட்ட மூதாட்டி மருத்துவமனையிலிருந்து ஆட்டோவில் தப்பியோட்டம்!

கொரோனாவால் பாதிக்கப்பட்ட மூதாட்டி மருத்துவமனையில் இருந்து ஆட்டோவில் நெய்வேலிக்கு தப்பி ஓடியதால் பரபரப்பு ஏற்பட்டது. சென்னை எம்ஜிஆர் நகர் கட்டபொம்மன் தெருவை சேர்ந்த மூதாட்டி கஸ்தூரி என்பவர் கொரோனா தொற்று ஏற்பட்டு கேகே நகரில்...