Home தமிழகம் சாத்தான்குளம் போலீஸ் காவலில் உயிரிழந்த தந்தை, மகன் குடும்பத்துக்கு ரூ.25 லட்சம் உதவி! - ஸ்டாலின் அறிவிப்பு

சாத்தான்குளம் போலீஸ் காவலில் உயிரிழந்த தந்தை, மகன் குடும்பத்துக்கு ரூ.25 லட்சம் உதவி! – ஸ்டாலின் அறிவிப்பு

கோவில்பட்டி கிளைச்சிறையில் உயிரிழந்த சாத்தான்குளத்தைச் சார்ந்த தந்தை, மகன் குடும்பத்துக்கு தி.மு.க சார்பில் ரூ.25 லட்சம் நிதி உதவி வழங்கப்படும் என்று தி.மு.க தலைவர் மு.க.ஸ்டாலின் அறிவித்துள்ளார்.

சாத்தான்குளத்தில் செல்போன் கடை நடத்தி வந்த தந்தை, மகன் மரணத்தில் மர்மம் உள்ளதாக குற்றச்சாட்டு உள்ளது. இது தொடர்பாக விசாரணை நடத்த அரசு உத்தரவிட்டுள்ளது. உயர் நீதிமன்ற மதுரைக் கிளையும் தாமாக முன்வந்து வழக்குப்பதிவு செய்து விசாரித்து வருகிறது. போலீஸ் தாக்குதலில் உயிரிழந்ததாக பொது மக்கள், உறவினர்கள் குற்றம்சாட்டி வருகின்றனர். இறந்தவர்கள் குடும்பத்துக்கு தலா ரூ.10 லட்சம் வழங்கப்படும் என்று தமிழக அரசும் அறிவித்தது.
இந்த நிலையில் தி.மு.க தலைவர் மு.க.ஸ்டாலின் இன்று வெளியிட்டுள்ள அறிவிப்பில், “சாத்தான்குளத்தில் போலீஸ் காவலில் உயிரிழந்த தந்தை, மகன் குடும்பத்திற்கு தி.முக சார்பில் ரூ.25 லட்சம் நிதி உதவி செய்யப்படும். நீதிக்கான போராட்டத்தில் சட்ட ரீதியான நடவடிக்கைகளுக்கு தி.மு.க துணை நிற்கும்” என்று கூறியுள்ளார். உயிரிழந்த ஜெபராஜின் மனைவி செல்வராணிக்கு மு.க.ஸ்டாலின் ஆறுதல் தெரிவித்துள்ளார்.

மாவட்ட செய்திகள்

Most Popular

“200க்கும் மேற்பட்ட இடங்களில் திமுக கூட்டணி வெற்றி பெறும்”

தமிழகத்தில் சட்டமன்றத் தேர்தல் ஏப்ரல் 6ம் தேதி நடைபெற உள்ள நிலையில், திமுக சார்பில் போட்டியிடுவதற்கான வேட்பு மனு தாக்கல் இன்றுடன் நிறைவு பெற்றது. தேர்தல் அறிவிப்புக்கு முன்னரே விருப்ப...

அதிமுகவிடம் 30க்கும் அதிகமான தொகுதிகளை கேட்டு தொல்லைக்கொடுக்கும் பாஜக!

தமிழகத்தில் சட்டமன்றத் தேர்தல் வரும் ஏப்ரல் 6ம் தேதி நடைபெறவுள்ளது. தேர்தலை எதிர்நோக்கி அரசியல் கட்சிகள் தீவிரமாக களப்பணியாற்றி வரும் நிலையில், தமிழகத்தில் காலூன்ற திட்டமிட்டிருக்கும் தேசிய கட்சியான பாஜக...

நான் கேட்பேன்- னு சொன்னீங்களே! நீங்களுமா கமல் சார் இப்படி?

தேர்தல் விதிமுறைகளை மீறி வாக்காளர்களுக்கு வழங்குவதற்காக வாகனத்தில் கொண்டு செல்லப்பட்ட கமல் உருவம் பதித்த டி- ஷர்ட்டுகள், டிபன் பாக்ஸ்களை பறக்கும் படையினர் அதிரடியாக பறிமுதல் செய்தனர்.

குடும்பத்துக்கு ஆதரவாக இருக்கணும்! செய்தியாளர்களை விலைக்குவாங்கிய ஓபிஎஸ் மகன்!!

துணை முதல்வர் ஓ.பன்னீர்செல்வம் இளைய மகன் ஜெயபிரதீப்க்கு தேனி பிரஸ் கிளப் சார்பில் கண்டனத்தை தெரிவித்துக் கொள்கிறது. தேனி மாவட்ட பத்திரிக்கையாளர்களை விலைக்கு வாங்க நினைக்கும்...
TopTamilNews