10ம் வகுப்புத் தேர்வை 2 மாதங்களுக்குத் தள்ளி வைக்க வேண்டும்! – ஆசிரியர்கள் சங்கம் வழக்கு

10ம் வகுப்பு பொதுத் தேர்வை இரண்டு மாதங்களுக்கு ஒத்திவைக்க வேண்டும் என்று தமிழ்நாடு உயர்நிலை, மேல்நிலைப் பள்ளிகள் பட்டதாரி ஆசிரியர்கள் சங்கம் வழக்கு தொடர்ந்துள்ளது.
தமிழகத்தில் நாளுக்கு நாள் கொரோனா பாதிப்பு அதிகரித்து வரும் நிலையில் தளர்வுகள் அளிக்கப்பட்ட ஊரடங்கு நீட்டிக்கப்பட்டுள்ளது. தமிழகத்தில் ஜூன் முதல் வாரம் 10ம் வகுப்புத் தேர்வு தொடங்கும் என்று முதலில் அறிவிக்கப்பட்டது. பலரும் எதிர்ப்பு தெரிவிக்கவே பின்னர் மாற்றப்பட்டது. அதற்குள்ளாக கொரோனா பாதிப்பு சீராகுமா என்ற கேள்விக்குறி உள்ளது.

நகர்ப்புறங்கள் மற்றும் கிராமப்புறங்களில் பெற்றோர்கள் தங்கள் பிள்ளைகளைத் தேர்வு எழுத அனுப்பும் மனநிலையில் இல்லை. தேர்வை அடுத்த ஆண்டுகூட எழுதிக்கொள்ளலாம், உயிர் போனால் வருமா என்று பல பெற்றோரும் கேள்வி எழுப்பி வருகின்றனர். தற்போது ஒற்றைக் குழந்தை என்ற நிலையில் அவர்கள் கேள்வியும் நியாயமாகவே உள்ளது.
இந்த நிலையில், தமிழ்நாடு உயர் நிலை, மேல்நிலைப் பள்ளிகள் பட்டதாரி ஆசிரியர்கள் சங்கம் சார்பில் சென்னை உயர் நீதிமன்றத்தில் 10ம் வகுப்புத் தேர்வை ஒத்திவைக்கக் கோரி மனுத் தாக்கல் செய்யப்பட்டுள்ளது. அதில், மாணவர்களுக்கு குறைந்தது 15 நாட்களாவது பயிற்சி அளித்துவிட்டு தேர்வை எதிர்கொள்ள அனுமதிக்க வேண்டும். தற்போதைய சூழலில் அதற்கு சாத்தியம் இல்லை. எனவே, 10ம் வகுப்புத் தேர்வை 2 மாதங்களுக்கு தள்ளி வைக்க வேண்டும்” என்று கூறியுள்ளனர்.

Most Popular

அமெரிக்காவிலும் களைகட்டிய ராமர் கோயில் பூமிபூஜை கொண்டாட்டங்கள்!

அயோத்தி ராமர் கோயில் பூமிபூஜை விழாவை அமெரிக்காவிலும் சிறப்பாக கொண்டாடியுள்ளனர் அங்குள்ள இந்தியர்கள். அயோத்தி ராமர் கோவில் அடிக்கல் நாட்டு விழா இன்று சிறப்பாக நடந்து முடிந்தது. இதில் மொத்தம் 200 மத தலைவர்களுக்கு...

அண்ணாவின் கொள்ளுப்பேத்தி குடிமைப் பணி தேர்வில் வெற்றி – உதயநிதி வாழ்த்து

2019 ஆம் ஆண்டிற்கான சிவில் சர்வீஸ் தேர்வு செப்டம்பர் மாதம் நடைபெற்றது. அதில் தேர்ச்சியானவர்களுக்கு கடந்த பிப்ரவரி மாதம் நேர்காணல் நடத்தப்பட்டது. அதன் பிறகு கொரோனா பாதிப்பால் தேர்வு முடிவுகள் வெளியாகாமல் இருந்தது....

புதுச்சேரியில் கொரோனா தொற்று உறுதியானவர்கள் குடும்பத்துடன் தலைமறைவு!

புதுச்சேரி மாநிலத்தில் இன்று ஒரே நாளில் அதிகபட்சமாக 286 நபர்களுக்கு கொரோனா தொற்று உறுதி செய்யப்பட்டது. அதேபோல் அதிகபட்சமாக ஒரே நாளில் 7பேர் உயிரிழந்துள்ளனர். இவர்களில் 182 நபர்கள் புதுச்சேரியிலும், 21 பேர்...

மாப்பிள்ளை பிளஸ் டூ… மகள் இன்ஜினீயரிங்… காதல் திருமணத்தால் ஆத்திரம்!- அந்தஸ்தால் இளைஞரை கொன்று சாலையில் வீசிய பெண்ணின் தந்தை, தாய் மாமன்

பிளஸ் டூ படித்த காய் கறி வியாபாரியை இன்ஜினீயரிங் படித்து வரும் மகள் காதலித்து திருமணம் செய்து கொண்டதால் ஆத்திரம் அடைந்த பெண்ணின் தந்தை, மாப்பிள்ளையை கொலை செய்துவிட்டு சாலையில் வீசி சென்ற...