இன்று தமிழக வெற்றி கழக நிர்வாகிகளின் ஆலோசனை கூட்டம் - பங்கேற்கிறார் விஜய்!

 
Vijay tvk

சென்னை, பனையூர் தலைமை அலுவலகத்தில் தமிழக வெற்றி கழக நிர்வாகிகளின் ஆலோசனை கூட்டம் இன்று நடைபெறுகிறது.

தமிழ் சினிமாவின் முன்னணி நடிகரான விஜய், தமிழக வெற்றி கழகம் என்ற பெயரில் அரசியல் கட்சியை தொடங்கியுள்ளார். இவர் தலைமையில் கடந்த சில நாட்களுக்கு முன்னர் விழுப்புரம் மாவட்டம் விக்கிரவாண்டியில் மாபெரும் மாநாடு நடைபெற்றது. இந்த மாநாட்டில் தமிழக வெற்றி கழகத்தின் தலைவர் விஜய் அக்கட்சியின் கொள்கை மற்றும் கோட்பாடுகளை அறிவித்தார். இதனை தொடர்ந்து விஜய் கட்சி பணிகள் மற்றும் அரசியல் நடவடிக்கைகளை மும்முரமாக கவனித்து வருகிறார். 
இதனிடையே தமிழக வெற்றி கழக மாவட்ட செயலாளர்கள் கூட்டம் கடந்த சில நாட்களுக்கு முன்பு நடைபெற்றது. இதில் மாவட்ட பொறுப்பாளர்களை தேர்வு செய்வது தொடர்பாக ஆலோசனை நடைபெற்றது. இந்த நிலையில், இன்று மீண்டும் தமிழக வெற்றி கழக மாவட்ட செயலாளர்கள் கூட்டம் நடைபெறவுள்ளது. சென்னை, பனையூர் தலைமை அலுவலகத்தில் தமிழக வெற்றிக் கழக நிர்வாகிகளின் ஆலோசனை கூட்டம் இன்று நடைபெறுகிறது. இன்று நடைபெறும் தவெக நிர்வாகிகள் கூட்டத்தில் தவெக தலைவர் விஜய் பங்கேற்க இருப்பதாக தகவல் வெளியாகியுள்ளது.