ஃபெஞ்சல் புயல் காரணமாக சென்னையில் இருந்து வெளி மாநிலத்துக்கு செல்லும் ரயில்களின் பாதை மாற்றப்பட்டுள்ளது.
வங்க கடலில் உருவாகியுள்ள ஃபெஞ்சல் புயல் காரணமாக சென்னையில் கனமழை பெய்து வருகிறது. அண்ணாசாலை, கிண்டி, அடையாறு, ஆலந்தூர், வேளச்சேரி, தரமணி, திருவானியூர், மந்தைவெளி, மயிலாப்பூர், ராயப்பேட்டை, திருவல்லிக்கேணி, மெரினா உள்ளிட்ட பகுதிகளில் இன்று அதிகாலை முதலே கனமழை பெய்து வருகிறது. இதன் காரணமாக பல்வேறு இடங்களிலும் குடியிருப்புகளை மழைநீர் சூழுந்துள்ளது. சாலையில் மழைநீர் தேங்கியுள்ளதால் வாகன ஓட்டிகள் அவதி அடைந்துள்ளனர்.
ஃபெஞ்சல் புயல் காரணமாக சென்னையில் இருந்து வெளி மாநிலத்துக்கு செல்லும் ரயில்களின் பாதை மாற்றப்பட்டுள்ளது. வியாசர்பாடி பாலம் அருகே கூவம் ஆற்றில் நீர்வரத்து அதிகரித்துள்ளதால் எக்ஸ்பிரஸ் ரயில்கள் செல்லும் பாதை மாற்றப்பட்டுள்ளது. சென்ட்ரலில் இருந்து செல்லக்கூடிய மும்பை எக்ஸ்பிரஸ், வெஸ்ட் கோஸ்ட் எக்ஸ்பிரஸ் ரயில்கள் பீச் ரயில் நிலையம் வழியாக செல்கிறது. கோவையில் இருந்து வரும் இன்டர்சிட்டி எக்ஸ்பிரஸ் ஆவடி ரயில் நிலையத்தில் நிறுத்தப்பட்டு, அங்கிருந்து கோவைக்கு இயக்கப்படும் என தெரிவிக்கப்பட்டுள்ளது.