சிறுமியின் நிர்வாண வீடியோவை வைத்துக்கொண்டு மிரட்டிய இளைஞர்! இன்ஸ்டா காதலால் நேர்ந்த விபரீதம்

 
இன்ஸ்டாகிராம் நிர்வாண

தாராபுரத்தில் இன்ஸ்டாகிராம் மூலம் காதலித்த சிறுமியின் நிர்வாண வீடியோவை இன்ஸ்டாகிராமில் பதிவிறக்கம் செய்து மிரட்டிய இளைஞர் போக்சோவில் கைது செய்யப்பட்டார்.

Instagram Is Bringing New Nude Protection Feature To Protect Girls From  Unwanted Adult Images In DM - Tamil Gizbot

திருப்பூர் மாவட்டம் தாராபுரம் அருகே உள்ள மூலனூர் கன்னிவாடி அரசு பள்ளியில் படிக்கும் 11-ஆம் வகுப்பு மாணவிக்கு, கரூர் மாவட்டம் விஜயமங்கலம் அருகே உள்ள வஞ்சியம்மன் கோவில் தெருவை சேர்ந்த விக்னேஷ் (வயது 27) என்பவருடன் இன்ஸ்டாகிராமில் மூலம் பழக்கம் ஏற்பட்டுள்ளது. இருவரும் ஆரம்பத்தில் நட்பாக பழகி அவர்களது புகைப்படம் மற்றும் வீடியோ ஆகியவற்றை அவர்களது இன்ஸ்டாகிராம் பக்கத்தில் பரிமாறி வந்துள்ளனர். 

இந்த நிலையில் நாளடைவில் இன்ஸ்டாகிராம் பழக்கம் காதலாக மாறியது. இதையடுத்து காதல் வலையில் சிக்க வைத்த 11-ஆம் வகுப்பு சிறுமியை விக்னேஷ் தனது காம வலையில் சிக்க வைக்க இன்ஸ்டாகிராம் மூலமாக சிறுமியின் நிர்வாண வீடியோவை எடுத்து தனக்கு அனுப்புமாறு காம போதையில் சிறுமியிடம் பேசி மயக்கி உள்ளார். வீடியோவை பார்த்த உடனே டெலிட் செய்து விடுவேன் என சிறுமியிடம் கூறவே சிறுமி பல நாட்கள் போராட்டத்திற்கு பிறகு ஒரு நாள் தனது நிர்வாண வீடியோவை இன்ஸ்டாகிராம் மூலம் விக்னேஷுக்கு அனுப்பியுள்ளார்.

அதை ரெக்கார்ட் செய்து வைத்துக்கொண்ட விக்னேஷ், சில நாள் கழித்து தனியாக ஒரு இடத்திற்கு வர வேண்டும், இல்லையென்றால் உனது நிர்வாண வீடியோவை சமூக வலைதளங்களில் பரப்பி விடுவேன் என மிரட்டியுள்ளார். மேலும் தன்னை திருமணம் செய்து கொள்ளுமாறு சிறுமியை வற்புறுத்தியதாகவும்  கூறப்படுகிறது. இந்த நிலையில் அதிர்ச்சி அடைந்த சிறுமி காதலிப்பதாகச் சொல்லிவிட்டு தன்னை நிர்வாண வீடியோ எடுத்து வைத்துக் கொண்டு ஒரு இளைஞர் மிரட்டுவதாக தனது தாயாரிடம் தெரிவித்துள்ளார். இதனால் அதிர்ச்சி அடைந்த தாயார் தனது கணவரிடம் இதை தெரிவித்துள்ளார். 

போலீஸ் மீது தாக்குதல்; தாராபுரத்தில் பரபரப்பு வழக்கறிஞர் உட்பட 3 பேர் கைது

இதனை அடுத்து சிறுமியின் பெற்றோர் மூலனூர் காவல் நிலையத்தில் தகவல் கொடுத்தனர்.  தகவலின் பேரில் தாராபுரம் அனைத்து மகளிர் காவல் நிலையத்தில் மகளிர் போலீசார் சிறுமியின் வீட்டிற்குச் சென்று விசாரணை நடத்தி அதன் பிறகு காவல் நிலையம் அழைத்து வந்து விசாரித்த போது  சிறுமியிடம் இன்ஸ்டாகிராமில் பழகியதுபோன்று பல நபர்களுடன் அந்த விக்னேஷ் தொடர்பில் இருந்து வந்துள்ளது தெரியவந்தது. இதையடுத்து விக்னேஷை கைது செய்த அனைத்து மகளிர் போலீசார், அவர் மீது போக்ஸோ வழக்கு பதிவு செய்து நீதிமன்றத்தில் ஆஜர்படுத்த உள்ளனர்.