டாஸ்மாக் ஊழியர்களுக்கு குட் நியூஸ்..! 20% வரை போனஸ் அறிவிப்பு..!

 தீபாவளிக்கு ஒரு வாரத்திற்கு முன்பாகவே அரசு ஊழியர்கள் பொதுத் துறை ஊழியர்களுக்கு தமிழக அரசு 20 சதவீதம் தீபாவளி போனஸ் அறிவித்தது.அந்த வகையில் டாஸ்மாக் பணியாளர்களுக்கு போனஸ் மற்றும் கருணைத் தொகை அறிவிக்கப்பட்டுள்ளது. இதன் மூலம், தமிழ்நாடு மாநில வாணிபக் கழகத்தில் பணிபுரியும் C மற்றும் D பிரிவு ஊழியர்கள், மற்றும் விற்பனைக் கடைப் பணியாளர்கள் என மொத்தம் 24,816 பேருக்கு ரூ.40.62 கோடி செலவில் இந்த ஊக்கத்தொகை வழங்கப்படும். இந்த அறிவிப்பு, பணியாளர்களின் ஈடுபாட்டை அதிகரிக்கவும், வரவிருக்கும் தீபாவளிப் பண்டிகையை மகிழ்ச்சியுடன் கொண்டாடவும் உதவும் என அரசு தெரிவித்துள்ளது.

தமிழக முதலமைச்சரின் உத்தரவின் பேரில் இந்த சிறப்பு அறிவிப்பு வெளியாகியுள்ளது. 2024-25 ஆம் ஆண்டுக்கான மிகை ஊதியம் (போனஸ்) மற்றும் கருணைத் தொகை (Ex-Gratia) ஆகியவற்றை 2025-2026 ஆம் ஆண்டுகளில் வழங்குவதற்கு தமிழ்நாடு அரசு ஆணை பிறப்பித்துள்ளது.

இந்த போனஸ் மற்றும் கருணைத் தொகை, தீபாவளிப் பண்டிகையை முன்னிட்டு வழங்கப்படுகிறது. இதன் மூலம், டாஸ்மாக் பணியாளர்கள் பண்டிகையை உற்சாகமாகக் கொண்டாட முடியும். மொத்தமாக, 24,816 தகுதியுள்ள பணியாளர்களுக்கு இந்த நிதி உதவி கிடைக்கும். இதற்காக அரசு ரூ.40.62 கோடி ஒதுக்கியுள்ளது.

"அரசின் இந்த நடவடிக்கை தமிழ்நாடு மாநில வாணிபக் கழக நிறுவனத்தில் பணியாற்றும் பணியாளர்கள் மிகவும் ஈடுபாட்டுடனும், ஊக்கத்துடனும் பணியாற்றுவதையும், எதிர்வரும் தீபாவளிப் பண்டிகையை மகிழ்ச்சியுடன் கொண்டாடுவதை உறுதி செய்திட வழிவகை செய்யும்" என்று டாஸ்மாக் நிர்வாகம் தெரிவித்துள்ளது. இந்த அறிவிப்பு பணியாளர்களிடையே பெரும் வரவேற்பைப் பெற்றுள்ளது.