புத்தாண்டு தினத்தன்று அதிரடியாக உயர்ந்த தங்கம் விலை!

சென்னையில் ஆபரண தங்கத்தின் விலை சவரனுக்கு ரூ.320 அதிகரித்து ரூ.57,200-க்கு விற்பனை செய்யப்படுகிறது.

சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது. நேற்று சென்னையில் ஆபரணத் தங்கத்தின் விலை  சவரனுக்கு ரூ.320 குறைந்து ரூ.56,880-க்கு விற்பனை செய்யப்பட்டது. ஒரு கிராம் 40 ரூபாய் குறைந்து ஒரு கிராம் தங்கம் 7,110 ரூபாய்க்கும் விற்பனை செய்யப்பட்டது. வெள்ளி விலை கிராமுக்கு ரூ.2 குறைந்து ரூ.98க்கு விற்பனை செய்யப்பட்டு வருகிறது.

இந்நிலையில், புத்தாண்டு தினமான இன்று தங்கம் விலை உயர்ந்துள்ளது. சென்னையில் ஆபரணத் தங்கத்தின் விலை  சவரனுக்கு ரூ.320 உயர்ந்து ரூ.57,200-க்கு விற்பனை செய்யப்படுகிறது. ஒரு கிராம் 40 ரூபாய் உயர்ந்து ஒரு கிராம் தங்கம் 7,150 ரூபாய்க்கும் விற்பனை செய்யப்படுகிறது. புத்தாண்டு தினமான இன்று தங்கம் விலை அதிகரித்துள்ளதால் இல்லத்தரசிகள் கவலை அடைந்துள்ளனர்.