இல்லத்தரசிகள் சற்று நிம்மதி...! குறைந்தது தங்கம் விலை!

சென்னையில் இன்று ஆபரண தங்கத்தின் விலை சவரனுக்கு 120 ரூபாய் குறைந்து ஒரு சவரன் தங்கம் 60 ஆயிரத்து 320 ரூபாய்க்கு விற்பனை செய்யப்பட்டு வருகிறது.
சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது. ஒருநாள் ஏறுவதும், அடுத்த நாள் இறங்குவதுமாக தங்கம் விலை உள்ளது. கடந்த சனிக்கிழமை தங்கம் விலையில் எந்தவித மாற்றமும் இல்லை. ஒரு சவரன் ரூ.60,440க்கு விற்பனை செய்யப்பட்ட நிலையில், ஆபரண தங்கம் ஒரு கிராம் ரூ.7,555க்கு விற்பனை செய்யப்பட்டது.
இந்த நிலையில், இன்று தங்கம் விலை குறைந்துள்ளது. சென்னையில் இன்று ஆபரண தங்கத்தின் விலை சவரனுக்கு 120 ரூபாய் குறைந்து ஒரு சவரன் தங்கம் 60 ஆயிரத்து 320 ரூபாய்க்கு விற்பனை செய்யப்பட்டு வருகிறது. இதேபோல் கிராமுக்கு 15 ரூபாய் குறைந்து ஒரு கிராம் தங்கம் 7 ஆயிரத்து 540 ரூபாய்க்கு விற்பனை செய்யப்பட்டு வருகிறது. வெள்ளி ஒரு கிராம் 104 ரூபாய்க்கும், ஒரு கிலோ 1 லட்சத்து 4 ஆயிரம் ரூபாய்க்கும் விற்பனை செய்யப்பட்டு வருகிறது.