இலங்கை கடற்கொள்ளையர்கள் தாக்குதல்- 4 மீன்வர்கள் காயம்

வேதாரண்யம் மீனவர்கள் மீது இலங்கை கடல் கொள்ளையர்கள் தாக்குதல் நடத்தியதில் 4 மீனவர்கள் மருத்துவமனையில் அனுமதிக்கப்பட்டுள்ளனர்.

நாகை மாவட்டம் வேதாரண்யம் அடுத்த ஆறுகாட்டுதுறை மீனவ கிராமத்தில் இருந்து நேற்று மாலை சிவசங்கர் என்பவருக்கு சொந்தமான பைபர் படகில் ஆறுகாட்டுத்துறையைச் சார்ந்த சிவசங்கர், ராஜகோபால், தனசேகரன், செல்வ கிருஷ்ணன் ஆகிய 4 பேர் மீன்பிடிக்க கடலுக்குச் சென்று கோடியக்கரைக்கு தென்கிழக்கே   வலை விரித்து மீன்பிடித்துக் கொண்டு இருந்துள்ளனர். அப்போது இலங்கையைச் சேர்ந்த 4 பைபர் படகில் வந்தனர் அதில் ஒரு படகில் வந்த 4 கடற்கொள்ளையர்கள்   இவர்களது படகை வழிமறித்து படகில் ஏறி கத்தி, கம்பு உள்ளிட்ட ஆயுதங்களால் தாக்கியுள்ளனர்.

பிறகு படகில் இருந்த 700 கிலோ வலை, ஜீ.பி.எஸ். கருவி , செல்போன், டார்ச் லைட்  உள்ளிட்ட, தங்க செயின், மோதிரம் உள்ளிட பொருட்களையும் பறித்து  கொண்டு தப்பி சென்று விட்டனர். உடனடியாக 4 மீனவர்களும் அவசரமாக கரைக்கு வந்து சேர்ந்தனர். இதில் சிவசங்கருக்கு காலில் காயத்துடனும், ராஜகோபாலுக்கு முதுகில்  காயத்துடனும், தனசேகருக்கு வலது கையில், காயத்துடனும், செல்வகிருஷ்ணன் என்பவருக்கு இடது கையிலும் காயம் அடைந்து வேதாரண்யம் அரசு மருத்துவமனையில் சிகிச்சை பெற்று வருகின்றார்.
இந்த சம்பவம் குறித்து வேதாரண்யம் கடலோர காவல் குழும போலீசார் விசாரணை செய்து வருகின்றனர்.