குவியும் பாராட்டுமழை! பாதுகாப்பு துறை அமைச்சருடன் அமரன் படக்குழு சந்திப்பு

பாதுகாப்பு துறை அமைச்சரை சந்தித்து அமரன் படக்குழுவினர் பாராட்டுக்களை பெற்றனர்.

ராஜ்கமல் பிலிம்ஸ் இன்டர்நேஷனல் தயாரிப்பில் மறைந்த மேஜர் முகுந்து வரதராஜனின் வாழ்க்கையை தழுவி அமரன் திரைப்படம் உருவாகியுள்ளது. ரங்கூன் திரைப்படத்தை இயக்கிய ராஜ்குமார் பெரியசாமி இப்படத்தை இயக்க, வழக்கமான தனது உடல் மொழியை மாற்றி ராணுவ வீரராகவே பல்வேறு கட்ட பயிற்சிகளை எடுத்து முகுந்து வரதராஜன் ஆக சிவகார்த்திகேயன் நடித்துள்ளார். முதல்முறையாக சிவகார்த்திகேயனுக்கு ஜோடியாக சாய் பல்லவி இதில் நடித்துள்ளார். இதற்கு ஜிவி பிரகாஷ் இசையமைத்துள்ளார். தமிழ், தெலுங்கு, மலையாளம், கன்னடம், இந்தி ஆகிய மொழிகளில் இப்படம் உலகம் முழுவதும் தீபாவளியை முன்னிட்டு அக்டோபர்  31- ஆம் தேதி திரையரங்குகளில் வெளியானது. இப்படம் நான்கு வாரங்களைக் கடந்தும் நான்-ஸ்டாப் ஆக வெற்றிகரமாக ஓடிக் கொண்டிருக்கிறது. 

இந்நிலையில் அமரன் படக்குழுவினர் பாதுகாப்பு துறை அமைச்சர் திரு.ராஜ்நாத்சிங்கை சந்தித்து அமரன் படத்திற்கான பாராட்டுகளை பெற்று புகைப்படங்கள் எடுத்துள்ளனர். இப்புகைப்படங்கள் வைரலாகி வருகிறது.