"ரெட் ஜெயின் மூவிஸ் பிடியில் திரையுலகம்! படம் வெளியாகனுமா வேண்டாமா?"

 
udhayanidhi stalin

ஓ.பன்னீர்செல்வம் அதிமுகவிலிருந்து நீக்கப்பட்டவர், அவரது கருத்து அதிமுகவுக்கு பொருந்தாது என முன்னாள் அமைச்சர் கடம்பூர் ராஜூ தெரிவித்துள்ளார். 

Kadambur Raju Net Worth, Age, Family, Wife, Biography, and More

தூத்துக்குடி மாவட்டம் கோவில்பட்டியில் செய்தியாளர்களிடம் பேசிய முன்னாள் அமைச்சர் கடம்பூர் ராஜு, “டெல்லியில் நடைபெற்ற தீப்பெட்டி உற்பத்தியாளர்கள் கூட்டத்தில் நாங்கள் வைத்த அனைத்து கோரிக்கைகளையும் மத்திய அமைச்சர் நிர்மலா சீதாராமன் அனைத்து கோரிக்கையும் ஏற்றுக்கொண்டார். அதேபோல் ஜிஎஸ்டியில் வரி குறைப்பு மேலும் சைனா இறக்குமதி லைட்டர்களை தடுப்பதற்கு உண்டான நடவடிக்கைகளை மேற்கொள்ளப்படும். மேலும் தீப்பெட்டி தொழிலாளர்களின் நிலை குறித்து நேரடி ஆய்வு செய்யப்படும். 

ஓ.பன்னீர்செல்வம் அதிமுகவிலேயே இல்லை, அதிமுக பொதுக்குழு கூட்டம் ஏற்கனவே நடந்து முடிந்து விட்டது. நடந்து முடிந்த பொதுக்குழு கூட்டத்தில் 99 சதவீத பொதுக்குழு உறுப்பினர் கலந்து கொண்டு இடைக்கால பொதுச்செயலாளராக எடப்பாடி பழனிச்சாமி தேர்வு செய்துள்ளனர். இதுதான் அமைப்பு ரீதியான அதிமுக. ஓபிஎஸ் கட்சியிலிருந்து நீக்கப்பட்டவர், அவரது கருத்து அதிமுகவுக்கு பொருந்தாது

கூட்டணி என்பது தேர்தலுக்காக  அமைக்கப்பட்டதாக இருக்க வேண்டும். ஆனால் திமுகவுடன் கூட்டணியில் இருப்பவர்களெல்லாம் பேரத்தின் அடிப்படையில் இருக்கின்றனர். முதல்வர் தொகுதியிலே 
ஒரு கால்பந்து வீராங்கனை மரணம் என்பது வேதனை அளிக்கிறது.  பொதுவுடைமை கட்சிகள் எல்லாம் கால்பந்து வீராங்கனை மரணம் குறித்து வாய் திறக்க மறுக்கின்றனர். தற்போது சுகாதாரத் துறைக்கு சிகிச்சை தேவைப்படும் நிலையில் சுகாதாரத் துறை உள்ளது. ரெட் ஜெயின் மூவிஸ் மூலம் வந்தால் தான் தமிழகத்தில் படங்கள் திரையிடப்படும் முடியும் என்ற சூழல் உள்ளது.தற்போது படம் எடுத்தாலும் வெளியிடப்பட முடியாத சூழ்நிலை தான் உள்ளது. அதிக பட்ஜெட்டில் படம் எடுத்தால் கூட ரெட் ஜெயின் மூலம் தான்  திரையிட முடியும் என்ற சூழல் உள்ளது.

எதிர்காலத்தில் படம் வெளியிடுவது மட்டும் இல்லாமல் படம் எடுக்கவும் முடியாது என்ற சூழ்நிலை உருவாகும். திரைத்துறை அழிவை நோக்கி சென்று கொண்டிருக்கிறது. செய்தி விளம்பரத்துறையில் அரசின் திட்டங்களை நேரடியாக மக்களுக்கு கொண்டு சென்று வருகிறது. ஆனால் தற்போது அரசு நிகழ்ச்சி மற்றும் முதல்வர் நிகழ்ச்சிகளை தனியார் மையமாக்குவது என்பது மோசமான சூழ்நிலையை உருவாக்கும்” எனக் கூறினார்