புயல், கனமழை காரணமாக சென்னையில் இருந்து புறப்பட வேண்டிய 18 விமானங்கள் ரத்து செய்யப்பட்டுள்ளது.
வங்க கடலில் உருவாகியுள்ள ஃபெங்கல் புயல் காரணமாக சென்னை உள்ளிட்ட பல்வேறு மாவட்டங்களில் கனமழை பெய்து வருகிறது. குறிப்பாக சென்னை கிண்டி, அடையாறு, ஆலந்தூர், வேளச்சேரி, தரமணி, திருவானியூர்,மந்தைவெளி, மயிலாப்பூர், ராயப்பேட்டை, திருவல்லிக்கேணி, மெரினா உள்ளிட்ட பகுதிகளில் இன்று அதிகாலை முதலே கனமழை பெய்து வருகிறது. இதன் காரணமாக பல்வேறு இடங்களிலும் குடியிருப்புகளை மழைநீர் சூழுந்துள்ளது. சாலையில் மழைநீர் தேங்கியுள்ளதால் வாகன ஓட்டிகள் அவதி அடைந்துள்ளனர்.
இந்த நிலையில், புயல், கனமழை காரணமாக சென்னையில் இருந்து புறப்பட வேண்டிய 18 விமானங்கள் ரத்து செய்யப்பட்டுள்ளது. சென்னையில் இருந்து மதுரை, திருச்சி, தூத்துக்குடி உள்ளிட்ட பகுதிகளுக்கான விமான சேவை ரத்து செய்யப்பட்டுள்ளது. கனமழை தொடர்ந்து பெய்து வருவதால் 12 விமானங்களின் சேவையில் தாமதம் ஏற்பட்டுள்ளது. விமான சேவை ரத்து மற்றும் தாமதம் காரணமாக பயணிகள் சிரமத்திற்குள்ளாகியுள்ளனர்.