Home க்ரைம் `2 நாள் பொறுத்துக்கொள்; செல்போன் வாங்கித் தருகிறோம்!'- ஆன்லைன் வகுப்பு தடைபட்டதால் பிளஸ் 2 மாணவி எடுத்த விபரீத முடிவு

`2 நாள் பொறுத்துக்கொள்; செல்போன் வாங்கித் தருகிறோம்!’- ஆன்லைன் வகுப்பு தடைபட்டதால் பிளஸ் 2 மாணவி எடுத்த விபரீத முடிவு

ஆன்லைன் வகுப்புக்கு பெற்றோர் செல்போன் வாங்கிக் கொடுக்காததால் வேதனை அடைந்த பிளஸ் 2 மாணவி தூக்குப்போட்டு தற்கொலை செய்து கொண்டார்.

சென்னை வளசரவாக்கம் அடுத்த ராமாபுரம், பூத்தபேடு, ஏழுமலை தெருவைச் சேர்ந்த கட்டிட மேஸ்திரி சின்னையாவின் மனைவி சுவர்ணா. இவர், தனியார் நிறுவனத்தில் வேலை செய்து வருகிறார். மகன் கோபி, வளசரவாக்கம் மண்டல வார்டு அலுவலகத்தில் வேலை செய்து வருகிறார். மகள் யாமினி ( 17) அருகில் உள்ள அரசு உதவிபெறும் பெண்கள் மேல் நிலைப்பள்ளியில் பிளஸ்-2 படித்து வந்தார். ஊரடங்கு காரணமாக பள்ளிகள் மூடப்பட்டு உள்ளதால் மாணவர்களுக்கு வீட்டில் இருந்தபடி ஆன்லைன் மூலம் கல்வி கற்பிக்கப்பட்டு வருகிறது. இதனால், ஆன்லைன் மூலம் கல்வி கற்க தனக்கு புதிய செல்போன் வாங்கித்தரும்படி யாமினி தனது பெற்றோர் மற்றும் அண்ணனிடமும் கேட்டுள்ளார்.

அவர்களும், இரண்டு நாட்களில் வாங்கி தருவதாக கூறியுள்ளனர். அதுவரை தனது சித்தியின் செல்போனை ஆன்லைன் வகுப்புக்கு பயன்படுத்தி படித்து வந்தார் யாமினி. ஆனால், செல்போனுக்கு அடிக்கடி அழைப்புகள் வந்ததால் ஆன்லைன் வகுப்பில் சரியாக கவனம் செலுத்த முடியாமல் அவதிப்பட்டார் யாமினி. இதனால் ஆன்லைன் வகுப்புக்கு தனது பெற்றோர் செல்போன் வாங்கி தரவில்லையே என விரக்தி அடைந்த யாமினி, சம்பவத்தன்று வீட்டில் யாரும் இல்லாத நேரத்தில் தூக்குப்போட்டு தற்கொலை செய்து கொண்டார். வேலை முடிந்து வீட்டுக்கு வந்த பெற்றோர், மகள் தூக்கில் தொங்குவதை பார்த்து அதிர்ச்சி அடைந்தனர். இது குறித்து ராயலாநகர் காவல்துறையினர் வழக்குப்பதிவு செய்து விசாரித்து வருகின்றனர்.

சக மாணவி இறந்த சம்பவம் கேள்விப்பட்டு, அவருடன் படித்த மாணவிகள் வந்து யாமினி உடலுக்கு கண்ணீர் அஞ்சலி செலுத்தினர்.

Most Popular

‘மீண்டும் ஆட்சி அமைப்போம்’ அதிமுக செயற்குழு கூட்டத்தில் 15 தீர்மானங்கள் நிறைவேற்றம்!

அதிமுக தலைமை கழகத்தில் நடைபெற்று வரும் செயற்குழு கூட்டத்தில் 15 தீர்மானங்கள் நிறைவேற்றப்பட்டுள்ளன. தமிழகத்தில் சட்டமன்ற தேர்தல் நெருங்கி வரும் நிலையில், பல்வேறு குழப்பங்களுக்கு இடையே...

10 லட்சத்தைக் கடந்த கொரோனா மரணங்கள் – உலகளவில் கொரோனா நிலவரம்

செப்டம்பர் 28-ம் தேதி காலை நேர நிலவரப்படி நிலவரப்படி, உலகளவில் கொரோனாவின் பாதிப்பு எவ்வளவு, குணம் அடைந்தவர்கள், மரணம் அடைந்தவர்கள் உள்ளிட்ட விவரங்களைப் பார்ப்போம். உலகம்...

பன்மடங்கு பலன்களை தரும் மகா கணபதி மந்திரம்!

மங்கள மூர்த்தியான மகா கணபதியின் மந்திரம் மகா சக்தி வாய்ந்தது. சடங்கிலும் பூஜையிலும் முதல் பூஜை, வழிபாடு என முழுமுதற்கடவுளான பிள்ளையாருக்கு இருந்தாலும், எந்தவிதமாக விநாயகரை எப்படி பூஜை செய்து...

“எடுங்கடா வண்டிய ,புடிங்கடா அவளை” -மகனின் காதலியை கடத்திய தாய்.

ஒரு பெண்ணை காதலிக்கும் காதலனின் தாயே, அவரின் காதலியை கடத்திக்கொண்டு போய் மகனுக்கு கட்டி வைக்க முற்ப்பட்டபோது பிடிபட்டார். பஞ்சாபின் லூதியானா மாவட்டத்தில் உள்ள கிராமத்தில்...
Do NOT follow this link or you will be banned from the site!