• July
    23
    Tuesday

Main Area

Main



தாமரையும் தமிழிசையும்...பின்னே குமரி அனந்தனும்...இரவல் தாமரையின் பூர்வக்கதை!

lotus
lotus
Loading...


இந்திய அரசியல் கட்சிகளிலேயே அதிகம் உடைந்த கட்சி இந்திய தேசியக் காங்கிரஸ் கட்சி தான். இப்போது சோனியா காந்தி தலைமையில் இயங்கும் காங்கிரஸ் (இந்திரா காந்தி) என்ற பெயரில் உடைந்த ஒரு துண்டுதான். கடைசியாக ஜி.கே வாசன் உடைத்த த.ம.கவோடு  இதுவரை இந்தியா முழுவதுமாக அறுபது முறை உடைந்திருக்கிறது காங்கிரஸ் !

கா.கா.தே.கா - குமரி அனந்தனின் தனிக்கட்சி 

இதில் 1980-ல் உடைந்த ஒரு துண்டின் பெயர் காந்தி காமராஜ் தேசிய காங்கிரஸ்.உடைத்தவர் இன்றைய தமிழக பா.ஜ.க-வின் தலைவி தமிழிசை சவுந்தரராஜனின் தந்தை குமரி அனந்தன்.ஐந்து முறை தமிழக சட்டமன்ற உறுப்பினர்,பாராளுமன்ற உறுப்பினர், தமிழ்நாடு காங்கிரஸ் தலைவர் என்று பல பொறுப்புகளை வகித்த குமரி அனந்தன்.

tamilisai

 கா.கா.தே.கா என்று தனிக்கட்சி கண்டு தனிக்கொடி,தனிச்சின்னம் எல்லாம் உருவாக்கி சிலகாலம் போராடிப்பார்த்தார்.அதுவும் ஒரு ஜாதிக்கட்சியாக சுருங்கும் அபாயத்தை உணர்ந்த அனந்தன் மீண்டும் தேசிய நீரோட்டத்தில் கலந்துவிட்டார். 

தாமரையின் கதை 

குமரி அனந்தனுக்கு ஒரு ஆண் மற்றும் நான்கு பெண் மக்கள். அதில் ஒருவர்தான் தமிழிசை.இப்போது 57 வயதாகும் தமிழிசைக்கு 1980-ல் வயது இருபதுக்குளே தான் இருந்திருக்கும்.கல்லூரியில் புகுமுக வகுப்பு படித்துக்கொண்டு இருந்திருக்கக்கூடும். 

அப்போது எங்கே பார்த்தாலும் கா.கா.தே.கா-வின் கொடிகளும் தட்டிகளும் நிறைந்த சூழலில் வளர்ந்தவர்.அதனால்தான் மூச்சுக்கு முந்நூறு தடவை’ தமிழகத்தில் தாமரை மலர்ந்தே தீரும்’என்று முழங்கிக்கொண்டு இருக்கிறார்.

lotus

ஆம்,அன்றைய குமரி அனந்தனின் கா.கா.தே.கா கட்சியின் சின்னமாக தாமரைதான் இருந்தது.இது கதைக்குதவாது என்று குமரி அனந்தன் கைவிட்ட தாமரைதான் இன்று பி.ஜே.பியி-ன் சின்னமாகிவிட்டது.தந்தையால் முடியாததை தான் சாதிக்க வேண்டும் என்ற லட்சியத்தில்தான் தமிழிசை இந்தப்பாடு படுகிறாரோ!?

2018 TopTamilNews. All rights reserved.