Home தமிழகம் தனியார் பால் நிறுவனத்தின் விலை உயர்வை தடுத்து நிறுத்தவும் - பால் முகவர்கள் சங்கம் கோரிக்கை!

தனியார் பால் நிறுவனத்தின் விலை உயர்வை தடுத்து நிறுத்தவும் – பால் முகவர்கள் சங்கம் கோரிக்கை!

தமிழகத்தின் பால் விற்பனையில் தனியார் பால் நிறுவனங்கள் பெரும்பங்கு வகிக்கின்றன. இருப்பினும் தமிழகத்தில் ஆவின் பால் தான் அதிக அளவில் விற்பனை ஆகிறது. இதனிடையே தனியார் பால் நிறுவனங்கள் தொடர்ந்து விலை உயர்வை அறிவித்து வருகின்றன. இந்த நிலையில், ஆந்திராவை சேர்ந்த தனியார் பால் நிறுவனமான “டோட்லா பால்” நிறுவனம் ஒரு லிட்டருக்கு ரூ.7.57 காசுகள் உயர்த்தி இருப்பதை கண்டித்து தமிழ்நாடு பால் முகவர்கள் சங்கம் சார்பில் அறிக்கை வெளியிடப்பட்டுள்ளது.

அதில், “டோட்லா பால்” நிறுவனம் பால் முகவர்களுக்கு எந்தவிதமான சுற்றறிக்கையும் வழங்காமல் பால் முகவர்களின் தயிர் கொள்முதல் விலையை இன்று (18.06.2020) அதிகாலை முதல் லிட்டருக்கு 7ரூபாய், 57காசுகள் உயர்த்தியுள்ளது. ஆனால் இந்த விலை உயர்வானது பொதுமக்கள் தலையில் மறைமுக விற்பனை விலை உயர்வாக திணிக்கப்பட்டுள்ளதற்கு தமிழ்நாடு பால் முகவர்கள் தொழிலாளர்கள் நலச் சங்கம் சார்பில் கடும் கண்டனத்தை தெரிவித்துக் கொள்கிறோம்.

தற்போது கொரோனா பெருந்தொற்று காரணமாக பிறப்பிக்கப்பட்டுள்ள ஊரடங்கினால் வணிகம் சார்ந்த பால் விற்பனை கடுமையாக பாதிக்கப்பட்டுள்ளதை சுட்டிக் காட்டி பால் கொள்முதல் விலையை தனியார் பால் நிறுவனங்கள் லிட்டருக்கு 15.00ரூபாய் முதல் 20.00ரூபாய் வரை குறைத்து விட்டன. இந்நிலையில் டோட்லா பால் நிறுவனம் 160கிராம் எடையுள்ள தயிர் பாக்கெட்டை தற்போது 140கிராம் என அளவை குறைத்து நேற்று (17.06.2020) வரை ஒரு லிட்டர் தயிர் 53.15ஆக வழங்கியதை அதுவே இன்று (18.06.2020) அதிகாலை முதல் ஒரு லிட்டர் 60.72 என நிர்ணயம் செய்து பால் முகவர்களிடமிருந்து தொகையை வசூலித்துள்ளது.

160கிராம் தயிர் பாக்கெட் அளவை 140கிராம் என குறைத்து பொதுமக்களுக்கு மறைமுகமாகவும், பால் முகவர்களுக்கு நேரிடையாகவும் விலை உயர்வை திணித்துள்ளது. இது போன்ற நிகழ்வுகள் நடைபெறுவது தொடர்கதையாக இருப்பதால் தமிழக அரசு இவ்விஷயத்தில் உடனடியாகத் தலையிட்டு தனியார் பால் நிறுவனங்களை கட்டுப்படுத்த வேண்டும் என தமிழ்நாடு பால் முகவர்கள் தொழிலாளர்கள் நலச் சங்கம் சார்பில் வலியுறுத்துகிறோம். ” என்று குறிப்பிடப்பட்டுள்ளது.

மாவட்ட செய்திகள்

Most Popular

உலகிலேயே பெரிய கட்சிதான்… ஆனால் முதல்வர் வேட்பாளர் இல்லை… பா.ஜ.க.வை கிண்டலடித்த தேஜஸ்வி யாதவ்

உலகிலேயே பெரிய கட்சிதான் ஆனால் முதல்வர் வேட்பாளர் இல்லை என்று பா.ஜ.க.வை தேஜஸ்வி யாதவ் கிண்டல் அடித்துள்ளார். பீகாரில் சட்டப்பேரவை தேர்தல் வரும் 28ம் தேதி...

அனைத்து கட்சிகளும் தங்களது அரசியலை ஒதுக்கி வைத்தால்… மாசுபாட்டை தோற்கடிக்க முடியும்… கெஜ்ரிவால்

அனைத்து கட்சிகளும் தங்களது அரசியலை ஒதுக்கி வைத்து, ஒன்றிணைந்து நேர்மையான நடவடிக்கைகளை எடுத்தால் குறுகிய காலத்தில் மாசுபாட்டை தோற்கடிக்க முடியும் என டெல்லி முதல்வர் அரவிந்த் கெஜ்ரிவால் தெரிவித்தார்.

ராஜினாமா அல்லது அரசு கலைக்கப்படுவதற்கு பயப்பட மாட்டேன்… பஞ்சாப் முதல்வர் கேப்டன் அமரீந்தர் சிங் ஆவேசம்

நான் ராஜினாமா செய்ய அல்லது என் அரசு கலைக்கப்படுவதற்கு பயப்பட மாட்டேன் ஆனால் விவசாயிகளை பாதிக்கவோ அல்லது அழிக்கவோ விட மாட்டேன் என்று அம்மாநில முதல்வர் கேப்டன் அமரீந்தர் சிங்...

டூ வீலரில் செல்லும் எல்லோரும் ஹெல்மெட் போடுங்க.. இல்லைன்னா 3 மாதம் டிரைவிங் லைசென்ஸ் ரத்து…

கர்நாடகாவில் இரு சக்கர வாகனங்களில் பயணிக்கும் அனைவரும் ஹெல்மெட் அணிவது அவசியம். இதனை பின்பற்றவில்லையென்றால் அபராதம் மற்றும் 3 மாத காலத்துக்கு டிரைவிங் லைசென்ஸ் ரத்து செய்யப்படும் என அம்மாநில...
Do NOT follow this link or you will be banned from the site!