• April
    07
    Tuesday

Main Area

Main



அதிமுக பாஜக கையில் இல்லை மக்கள் கையில் உள்ளது- அமைச்சர் செல்லூர் ராஜூ

செல்லூர் ராஜு
செல்லூர் ராஜு

மக்களுக்காகத்தான் மத்திய அரசுடன் இணக்கமாக இருக்கிறோம் மத்திய அரசுடன் இணக்கமாக இருந்ததால்தான் பல்வேறு திட்டங்களை தமிழகத்தில் முதல்வர் சிறப்பாக செயல்படுத்தி வருகிறார் என அமைச்சர் செல்லூர் ராஜூ தெரிவித்துள்ளார்.

மதுரை செயிண்ட் மேரீஸ் தேவாலயத்தில் அன்னதான நிகழ்வை தொடங்கி வைத்த பின் செய்தியாளர்களை சந்தித்த அமைச்சர் செல்லூர் ராஜூ, “குடியுரிமை சட்டம் குறித்த அதிமுகவின் நிலைப்பாட்டை முதல்வர் துணைமுதல்வர் தெளிவுப்படுத்தி உள்ளனர். திமுக வாக்குக்காக மக்களை பிரித்து வருகிறது. மத ரீதியாக மக்களை பிரித்து சிறுபான்மையினர் வாக்குகளை பெறுவதற்காக உள்நோக்கத்தோடு செயல்படுகிறது. அதிமுக ஆட்சியை திமுக எந்தக் குறையும் சொல்ல முடியாது. சிறுபான்மை இன மக்களை வாக்கு ரீதியாக பிரித்து செயல்படும் திமுகவின் எண்ணத்தை கண்டிக்கிற வகையில் ஓபிஎஸ், இபிஎஸ் கூட்டு அறிக்கை வெளியிட்டுள்ளனர்.

sellur raju

ஜெயலலிதா எப்படி சிறுபான்மைஇன மக்களுக்கு காப்பாளராக அரணாக இருந்தாரோ அதே போல தற்போது முதல்வர் எடப்பாடியும் இஸ்லாமியர்களுக்கு காப்பாளராக, பாதுகாப்பு அரணாக இருந்து வருகிறார். சிறுபான்மையினருக்கு முதலமைச்சர் செய்துவரும் நலத்திட்டங்களை கண்டு திமுகவினர் ஆச்சரியப்படுகின்றனர். தமிழக அரசு செய்து வரும் குடி மராமத்து பணிகளை திமுக தலைவர் நன்றாக கவனிக்கட்டும். திமுக ஆட்சியில் செய்யாத குடிமராமத்துப் பணியை அதிமுக ஆட்சியில் செய்து வருகிறோம். நாடு முழுக்க மக்கள் செழிப்போடு இருந்து வருகிறார்கள்.

அதிமுக ஆட்சியில் செய்கிற திட்டங்களை பார்த்து திமுக தலைவர் ஸ்டாலின் திருந்த வேண்டும். அவர் திருந்துவாரா என்று பொறுத்திருந்து பார்ப்போம். திமுகவின் குணமும் மனமும் மாறாது. அதிமுக ஆட்சிக்கும் கட்சிக்கும் ஏதாவது இடையூறு கொடுக்க வேண்டும் என திமுக தலைவர் எண்ணுகிறார். அதிமுக யார் கையிலும் இல்லை மக்கள் கையில் மட்டுமே உள்ளது. மக்களுக்காகத்தான் மத்திய அரசுடன் இணக்கமாக இருக்கிறோம் மத்திய அரசுடன் இணக்கமாக இருந்ததால்தான் பல்வேறு திட்டங்களை தமிழகத்தில் முதல்வர் சிறப்பாக செயல்படுத்தி வருகிறார்” எனக்கூறினார். 

2018 TopTamilNews. All rights reserved.