புதுச்சேரியில் இன்று பள்ளிகள் திறப்பு!

புதுச்சேரி மாநிலத்தில் இன்றுமுதல் அரசு மற்றும் தனியார் பள்ளிகள் மீண்டும் திறக்கப்பட்டுள்ளது.

பெற்றோரின் விருப்ப கடிதம் இருந்தால் மட்டுமே பள்ளிக்குள் மாணவர்கள் அனுமதிக்கப்படுவார்கள் என்று அம்மாநில அரசு தெரிவித்துள்ளது. 10,12 ஆம் வகுப்புகளுக்கு 3 நாட்களும், 9, 11 ஆம் வகுப்புக்கு 3 நாட்களும் என வாரத்தில் 6 நாட்கள் பள்ளிகள் இயங்கும்.

காலை 10 மணி முதல் மதியம் 1 மணிவரை நடக்கும் வகுப்புகளுக்கு மாணவர் வருகை பதிவு செய்யப்பட்டுள்ளது. பாட சந்தேகங்களை தீர்த்து கொள்ள வரும் மாணவர்கள் சமூக இடைவெளியுடன் வகுப்பறையில் அமரவைக்க ஏற்பாடு செய்யப்பட்டுள்ளது.

கடந்த 6 மாத காலமாக கொரோனா காரணமாக பள்ளிகள் மூடப்பட்டு இருந்த நிலையில் புதுச்சேரியில் பள்ளிகள் தற்போது திறக்கப்பட்டுள்ளது. இருப்பினும் கொரோனா அச்சம் இருப்பதால் மாணவர்கள் பள்ளிக்கு வருவார்களா? புதுச்சேரி அரசின் முயற்சி கைகொடுக்குமா? என்பது விரைவில் தெரியவரும்.