Home இந்தியா பெண் பார்ப்பதாக கூறி ரூ.6 கோடி மோசடி; போலி ராணுவ மேஜர் கைது

பெண் பார்ப்பதாக கூறி ரூ.6 கோடி மோசடி; போலி ராணுவ மேஜர் கைது

தெலங்கானா

பெண் பார்ப்பதாக கூறி ரூ.6 கோடி மோசடி; போலி ராணுவ மேஜர் கைது

தெலங்கானாவில் திருமணத்திற்கு பெண் பார்ப்பதாக கூறி, பலரிடம் 6 கோடி ரூபாய் வரை மோசடி செய்த போலி ராணுவ அதிகாரியை போலீசார் கைதுசெய்தனர். ஆந்திர மாநிலம் பிரகாசம் மாவட்டத்தை சேர்ந்தவர் சீனு சௌகான் (42) என்கிற சீனு நாயக். இவர்
9ஆம் வகுப்பு வரை படித்துவிட்டு, பின்னர் தொலைதூரக்கல்வி மூலம் பட்டம் பெற்றுள்ளார். இவருக்கு அமிர்தாதேவி என்ற மனைவியும், ஒரு மகனும் உள்ளனர். இதனிடையே குடும்பத்துடன் ஐதராபாத்தில் உள்ள சைனிக்புரிக்கு இடம்பெயர்ந்த சீனு சௌகான், வேலை கிடைக்காமல் வீட்டில் இருந்து வந்துள்ளார். இந்நிலையில், குறுக்கு வழியில் பணம் சம்பாதிக்க திட்டமிட்ட சீனு சௌகான், இந்திய ராணுவத்தில் மேஜராக வேலை பார்ப்பது போன்று, போலி அடையாள அட்டை, மெடல்கள் மற்றும் ராணுவ சீருடை ஆகியவற்றை வாங்கி அணிந்து, புகைப்படங்களை எடுத்துள்ளார்.

கோப்பு படம்

தொடர்ந்து, திருமண தகவல் மையங்களை அணுகி, தனக்கு திருமணத்திற்காக பெண் தேவை என்று கூறி பெண் பார்க்கும் படலத்தை தொடங்கினார். இதில் சீனுசௌகானின் பேச்சை நம்பி பல பெண்களின் பெற்றோர், அவருக்கு 6 கோடி ரூபாய்க்கு மேல் வரதட்சணை முன்பணமாக கொடுத்துள்ளனர். இந்த நிலையில் மோசடி குறித்து தகவலறிந்த ஐதராபாத் வடக்கு பகுதி டாஸ்க் போர்ஸ் போலீஸார், நேற்று சீனு செளகானை அதிரடியாக கைதுசெய்தனர். அவரிடம் நடத்திய விசாரணையில், சீனுசௌகான் ராணுவ மேஜர் என்று கூறி, பல பெண்களின் பெற்றோர்களை ஏமாற்றி சுமார் 6 கோடி ரூபாய்க்கு மேல் வசூல் செய்ததும், அந்த பணத்தில் உல்லாசமாக வாழ்ந்து வந்ததும் தெரியவந்தது. மேலும் தனக்கு வேலை கிடைத்து ராணுவத்தில் மேஜராக பணிபுரிவதாக மனைவி உட்பட குடும்பத்தினர் அனைவரையும் ஏமாற்றி வந்ததும் தெரியவந்தது.

பெண் பார்ப்பதாக கூறி ரூ.6 கோடி மோசடி; போலி ராணுவ மேஜர் கைது

இதனையடுத்து, சீனு சௌகானிடம் இருந்து ஒரு போலி கைத்துப்பாக்கி, போலி அடையாள அட்டை, விலையுயர்ந்த கார்கள் மற்றும் 85 ஆயிரம் ரூபாய் ரொக்கப் பணம் ஆகியவற்றை பறிமுதல் செய்த போலீசார், அவரிடம் தொடர்ந்து விசாரணை நடத்தி வருகின்றனர்.

பெண் பார்ப்பதாக கூறி ரூ.6 கோடி மோசடி; போலி ராணுவ மேஜர் கைது
-Advertisement-

மாவட்ட செய்திகள்

-Advertisement-

சமீபத்திய செய்திகள்

ஆட்சி மாறினாலும் காட்சிகள் மாறவில்லை… டிடிவி தினகரன் வேதனை!

கொரோனா நோயாளிகளுக்கு உரிய சிகிச்சை கிடைக்காமல் அலைக்கழிக்கப்படுவது வேதனையளிப்பதாக டிடிவி தினகரன் தனது ட்விட்டர் பக்கத்தில் பதிவிட்டுள்ளார். அந்த பதிவில், சென்னை ஸ்டான்லி அரசு மருத்துவக்கல்லூரி...

கோவை தெற்கு தொகுதியில் மறுவாக்கு எண்ணிக்கை?… நீதிமன்றத்தில் வழக்கு!

நடந்த முடிந்த தமிழக சட்டமன்ற தேர்தலில் கடும் இழுபறிக்குப் பின்னர் கோவை தெற்கு தொகுதியில் பாஜக வேட்பாளர் வானதி சீனிவாசன் வெற்றி வாகை சூடினார். அந்த தொகுதியில் பாஜக வேட்பாளர்...

கனிமொழியை நெகிழவைத்த சிறுமி வருண்யா தேவி

தூத்துக்குடி சிறுமி வருண்யா தேவி தன் பிறந்த நாள் செலவீனத்திற்காக சேமித்து வைத்திருந்த ரூ.2000ஐ என்னிடம் அளித்தது என்னை நெகிழ வைத்தது. இளம் வயதிலேயே ஈகை குணம் கொண்ட சிறார்கள்...

“உயிரிழந்த செவிலியர்களின் குடும்பங்களுக்கு இழப்பீடு வழங்குக” அமைச்சர் மா.சுப்ரமணியத்திடம் கோரிக்கை!

கொரோனாவால் பாதிக்கப்பட்டு உயிரிழந்த செவிலியர்களின் குடும்பங்களுக்கு இழப்பீடு வழங்க தமிழக அரசு நடவடிக்கை எடுக்க வேண்டும் என தமிழ்நாடு எம்.ஆர்.பி செவிலியர்கள் மேம்பாட்டு சங்கம் வலியுறுத்தியுள்ளது.
- Advertisment -
TopTamilNews