தேர்தல் முடியும் வரை டாஸ்மாக் கடைகளில் தினமும் ஒரு நபருக்கு ‘ 2 ஃபுல்’ மட்டும்தான்!

புதுச்சேரி மாநிலத்தில் ஏற்கனவே மதுபானக் கடையில் விற்பனை நேரத்தைக் குறைத்து தேர்தல் அதிகாரிகள் உத்தரவிட்டுள்ள நிலையில் இன்று மதுபான விற்பனைக்கு கட்டுப்பாட்டுகள் விதித்துள்ளனர்.

தமிழகம் மற்றும் புதுச்சேரியில் நடைபெறவுள்ள வரும் ஏப்ரல் 6 ஆம் தேதி சட்டமன்ற தேர்தல் நடைபெறவுள்ளது. இதனை ஒட்டி இரு மாநில எல்லைகளில் மது கடத்தலை தடுக்க 6 தனிப்படைகள் அமைக்கப்பட்டுள்ளன. மதுபான கடத்தலை தடுப்பது தொடர்பான ஆலோசனை கூட்டம் புதுச்சேரி தலைமை செயலகத்தில் நடந்தது. இதில் தமிழகம் மற்றும் புதுச்சேரி காவல்துறை, கலால்துறை உயரதிகாரிகள் உள்ளிட்டோர் கலந்துகொண்டனர்.

கூட்டத்திற்கு பிறகு செய்தியாளர்களை சந்தித்த புதுச்சேரி கலால்துறை ஆணையர் சுதாகர், “புதுச்சேரியில் மதுக்கடத்தலை தடுக்க 6 பறக்கும் படைகள் அமைக்கப்பட்டுள்ளன. புதுச்சேரி மாநிலத்தில் தனிநபருக்கு 9 லிட்டர் பீர், 4.5 லிட்டர் பிராந்தி, 4 லிட்டர் சாராயம் விற்க மட்டுமே அனுமதி அளிக்கப்பட்டுள்ளது. மதுபானம் கடத்துவோரை குண்டர் சட்டத்தில் கைது செய்ய நடவடிக்கை எடுக்கப்படும். மது குடித்துவிட்டு பிரச்சினைகளை ஏற்படுத்துவதே தடுக்க தேர்தல் ஆணையம் இந்த நடவடிக்கையை எடுத்துள்ளது” எனக் கூறினார்.