Home வணிகம் 3 மாதம்தான்... ரூ.14,894 கோடி லாபம் பார்த்த ரிலையன்ஸ் இண்டஸ்ட்ரீஸ்

3 மாதம்தான்… ரூ.14,894 கோடி லாபம் பார்த்த ரிலையன்ஸ் இண்டஸ்ட்ரீஸ்

ரிலையன்ஸ் இண்டஸ்ட்ரீஸ் 2020 டிசம்பர் காலாண்டில் ஒட்டு மொத்த அளவில் நிகர லாபமாக ரூ.14,894 கோடி ஈட்டியுள்ளது.

பெட்ரோலியம், தொலைத்தொடர்பு, ரீடெயில் என பல்வேறு துறைகளில் வெற்றி கொடி நாட்டி வரும் முகேஷ் அம்பானியின் ரிலையன்ஸ் இண்டஸ்ட்ரீஸ் தனது கடந்த டிசம்பர் காலாண்டு நிதி முடிவுகளை வெளியிட்டுள்ளது. ரிலையன்ஸ் இண்டஸ்ட்ரீஸ் 2020 டிசம்பர் காலாண்டில் ஒட்டு மொத்த அளவில் நிகர லாபமாக ரூ.14,894 கோடி ஈட்டியுள்ளது. இது முந்தைய செப்டம்பர் காலாண்டைக் காட்டிலும் 40.5 அதிகமாகும். 2020 செப்டம்பர் காலாண்டில் ரிலையன்ஸ் இண்டஸ்ட்ரீஸ் ரூ.10,602 கோடி லாபம் ஈட்டியிருந்தது.

முகேஷ் அம்பானி

கடந்த டிசம்பர் காலாண்டில் ரிலையன்ஸ் இண்டஸ்ட்ரீஸ் நிறுவனத்தின் செயல்பாட்டு வாயிலான மொத்த வருவாய் 6.7 சதவீதம் உயர்ந்து ரூ.1,23,997 கோடியாக உயர்ந்துள்ளது. 2020 செப்டம்பர் காலாண்டில் இந்நிறுவனத்தின் செயல்பாட்டு வாயிலான மொத்த வருவாய் ரூ.1,16,195 கோடியாக இருந்தது. மும்பை பங்குச் சந்தையில் கடந்த வெள்ளிக்கிழமையன்று பங்கு வர்த்தகம் முடிவடைந்தபோது, ரிலையன்ஸ் இண்டஸ்ட்ரீஸ் நிறுவன பங்கின் 2.30 சதவீதம் குறைந்து ரூ.2,049.65ஆக இருந்தது.

ஜியோ

ரிலையன்ஸ் ஜியோ கடந்த டிசம்பர் காலாண்டில் ஒட்டு மொத்த அளவில் லாபமாக ரூ.3,489 கோடி ஈட்டியுள்ளது. இது முந்தைய செப்டம்பர் காலாண்டைக் காட்டிலும் 15.5 சதவீதம் அதிகமாகும். மேலும் ஜியோவின் கடந்த டிசம்பர் காலாண்டு வருவாய் 5.3 சதவீதம் அதிகரித்து ரூ.19,475 கோடியாக உயர்ந்துள்ளது. கடந்த டிசம்பர் காலாண்டில் ஜியோவின் ஒரு பயன்பாட்டாளர் வாயிலான ஒரு மாத சராசரி வருவாய் ரூ.151ஆக அதிகரித்துள்ளது. 2020 டிசம்பர் 31ம் தேதி நிலவரப்படி ரிலையன்ஸ் ஜியோ நிறுவனத்தின் மொத்த சந்தாதாரர்களின் எண்ணிக்கை 41.0 கோடியாக உள்ளது.

மாவட்ட செய்திகள்

Most Popular

தேர்தலுக்காக சிறுபான்மையினரின் நண்பர்களைப் போல நடிப்பவர்கள் நாங்கள் அல்ல- ஸ்டாலின்

இந்திய யூனியன் முஸ்லீம் லீக் – திமுக உறவு என்பது தேர்தல்கால உறவல்ல, நீண்டகாலமாக இருந்து வரும் கொள்கை உறவு என திமுக தலைவர் முக ஸ்டாலின் தெரிவித்துள்ளார்.

காதலிக்கு வேறு ஒருவருடன் நிச்சயம்… விரக்தியில் ராணுவ வீரர் தற்கொலை…

தூத்துக்குடி ஒட்டப்பிடாரம் அருகே காதல் தோல்வியால் ராணுவ வீரர் தூக்கிட்டு தற்கொலை செய்துகொண்ட சம்பவம் அதிர்ச்சியை ஏற்படுத்தி உள்ளது. தூத்துக்குடி மாவட்டம்...

சென்னையில் அனைத்து தொகுதிகளையும் கைப்பற்றியாக வேண்டும்- ஸ்டாலின் சபதம்

சென்னையில் அனைத்து தொகுதிகளையும் கைப்பற்றியாக வேண்டும் என திமுக தலைவர் முக. ஸ்டாலின் தெரிவித்துள்ளார். திமுக தலைவர் முக ஸ்டாலின் சென்னை மாதவரத்தில் நடைபெற்ற உங்கள்...
TopTamilNews