உங்க இதயம் நல்லாருக்கணுமா ?அப்ப இதுக்கு நோ சொல்லுங்க .

வெள்ளை ரொட்டியின்(ஒயிட் பிரெட் ) சில துண்டுகளை தினமும் உட்கொள்வது, மாரடைப்பு அபாயத்தை அதிகரிக்கிறது என்று ஒரு ஆய்வு கூறுகிறது

பெரும்பாலான இந்திய காலை உணவு பட்டியலில் வெள்ளை ரொட்டி பிரதான உணவாக இடம் பெறுகிறது . வெள்ளை ரொட்டியின் சில துண்டுகளை தவறாமல் உட்கொள்வது மாரடைப்பு, பக்கவாதம் மற்றும் டைப் -2 நீரிழிவு நோயின் அபாயத்தை அதிகரிக்கிறது என்று ஒரு ஆய்வு கூறுகிறது
உலகம் முழுவதிலும் ஒன்பது ஆண்டு காலம் நடந்த ஆராய்ச்சியில் , வெள்ளை ரொட்டி, பாஸ்தா மற்றும் சில சுத்திகரிக்கப்பட்ட தானியங்களை அதிக அளவில் உட்கொள்ளும் நபர்களுக்கு (ஒரு நாளைக்கு குறைந்தது 350 கிராம்), ​​இருதய பிரச்சினைகள் மற்றும் நீரிழிவு நோய் உண்டாக 33 சதவீதம் அதிக வாய்ப்பு உள்ளது என்று கண்டறியப்பட்டது.

இத்தகைய உணவுகள் விரைவாக உறிஞ்சப்பட்டு, இரத்தத்தில் சர்க்கரை அளவை அதிகரிக்கும். இரத்தத்தில் அதிக அளவு குளுக்கோஸ் அல்லது சர்க்கரை இருக்கும்போது, ​​அது இரத்த நாளங்களின் செயலை மாற்றி, தமனிகளை சுருக்குகிறது. இது இதயத்தை கட்டுப்படுத்தும் நரம்புகளையும் சேதப்படுத்தும் ”என்று ஹைதராபாத்தின் அப்பல்லோ ஹெல்த் சிட்டி ஜூபிலி ஹில்ஸின் இருதயநோய் நிபுணர் டாக்டர் ஸ்ரீனிவாஸ் குமார் கூறுகிறார்.

இதில் கவனிக்க வேண்டிய மற்றொரு விஷயம் என்னவென்றால், வெள்ளை ரொட்டி மூளைக்கு முழு நிறைவை அளிக்காது.. வெள்ளை ரொட்டியில் நார்ச்சத்து இல்லாதது மலச்சிக்கல் அல்லது வயிற்றுப் பிடிப்பு போன்ற செரிமான பிரச்சினைகளையும் ஏற்படுத்துகிறது. மேலும் உணவு செரிமான மண்டலத்தை எளிதில் பாதிக்கிறது . மேலும் வயிறு தொடர்பான பிரச்சினைகளை உண்டாக்குகிறது .மேலும், வெள்ளை ரொட்டியில் பசையம் இருப்பதால், இது ஒவ்வாமை பிரச்சினையையும் ஏற்படுத்தும் என்று டெல்லியின் மூத்த இருதயநோய் நிபுணரும், இதய பராமரிப்பு அறக்கட்டளையின் தலைவருமான டாக்டர் கே.கே.அகர்வால் கூறுகிறார்.

சமீபத்திய ஆண்டுகளில், இதய நோய்கள் இந்தியாவில் ஏற்படும் இறப்புகளுக்கு முக்கிய காரணங்களில் ஒன்றாக இருக்கிறது . “மரபணு மற்றும் சுற்றுச்சூழல் ரீதியாக, இந்தியர்கள் இருதய நோய்களால் அதிகம் பாதிக்கப்படுகின்றனர். ஏனென்றால், அவர்கள் மற்றவர்களுடன் ஒப்பிடும்போது சிறிய இரத்த நாளங்களைக் கொண்டுள்ளார்கள் . இதன் காரணமாக, இதயத்தில் அடைப்பு ஏற்படுவதற்கான வாய்ப்பு அதிகரிக்கிறது. ”என்கிறார் டாக்டர் குமார். அதனால் வெள்ளை ப்ரெட் உங்களுக்கு பிடித்த காலை உணவாக இருக்கலாம், ஆனால் அதிலிருந்து விலகி இருப்பது சிறந்தது.