‘ரியல்மி பட்ஸ் க்யூ’ இயர்பட்ஸ் இந்திய வெளியீட்டு தேதி அறிவிப்பு

டெல்லி: ரியல்மி பட்ஸ் க்யூ ட்ரூலி வயர்லெஸ் இயர்பட்ஸ் சாதனத்தின் இந்திய வெளியீட்டு தேதி அறிவிக்கப்பட்டுள்ளது.

ரியல்மி பட்ஸ் க்யூ ட்ரூலி வயர்லெஸ் இயர்பட்ஸ் சாதனத்தின் இந்திய வெளியீட்டு தேதி அறிவிக்கப்பட்டுள்ளது. அமேசான் மற்றும் ரியல்மி.காம் ஆகிய தளங்களில் இந்த இயர்பட்ஸ் மாடலை வாங்க முடியும். கடந்த மாதம் சீனாவில் ரியல்மி பட்ஸ் க்யூ இயர்பட்ஸ் முதன்முறையாக அறிமுகம் செய்யப்பட்டது. இந்நிலையில், இந்தியாவில் வருகிற 25-ஆம் தேதி பிற்பகல் 12:30 மணிக்கு இந்த இயர்பட்ஸ் மாடல் விற்பனைக்கு வெளியாக உள்ளது. கொயட் பிளாக், கொயட் எல்லோ மற்றும் கொயட் வொயிட் ஆகிய நிறங்களில் இந்த இயர்பட்ஸ் மாடல் தயாரிக்கப்பட்டுள்ளது.

இந்த சாதனத்துடன் சார்ஜிங் கேஸ் வழங்கப்படுகிறது. இதன் எடை வெறும் 3.6 கிராம் மட்டுமே ஆகும். மற்ற நிறுவன இயர்பட்ஸ்களை காட்டிலும் 66 சதவீதம் அதிக பேட்டரி நீடிப்பை இது வழங்கும் என்று கூறப்பட்டுள்ளது. மொத்தம் 20 மணிநேரம் பிளேபேக் வழங்கும் வகையில் இந்த இயர்பட்ஸ் உருவாக்கப்பட்டு உள்ளது. மேலும் இன்டெலிஜென்ட் டச் கன்ட்ரோல் அம்சம் இதில் உள்ளது. அதாவது இயர்பட்ஸ் மாடலின் பக்கவாட்டில் டபுள் டேப் செய்தால் இசையை பாஸ் மற்றும் பிளே செய்ய முடியும். அதேபோல இதே முறையில் கால் அட்டென்ட் செய்யவும் முடியும். இதில் IPX4 வாட்டர் ரெசிஸ்டன்ட் அம்சம் இடம்பிடித்துள்ளது. மேலும் ப்ளூடூத் v5 உள்ளது.