யார் அந்த தலைவர்..? கருணாநிதி சொன்னதாக சர்ச்சையைக் கிளப்பிய ராமதாஸ்!
அந்த பெரிய தலைவரை நம்ப வேண்டாம் என்று கருணாநிதி தன்னிடம் கூறியதாக புதிய சர்ச்சை ஒன்றை பா.ம.க நிறுவனர் ராமதாஸ் தொடக்கிவைத்துள்ளார்.
பா.ம.க நிறுவனர் டாக்டர் ராமதாஸ் இன்று வெளியிட்டுள்ள ட்வீட் ஒன்றில், “திமுக தலைவர் கலைஞரும், நானும் அவரது இல்லத்தில் ஒரு நாள் தனியாக உரையாடிக் கொண்டிருந்தோம். அப்போது ஒரு மூத்த அரசியல்வாதியின் பெயரைக் குறிப்பிட்ட கலைஞர், அவரை மட்டும் எந்த காலத்திலும் நம்பி விடாதீர்கள் என்று கூறினார். அவர் யார் என்பதை உங்களின் யூகத்துக்கே விட்டு விடுகிறேன்” என்று கூறியுள்ளார்.
திமுக தலைவர் கலைஞரும், நானும் அவரது இல்லத்தில் ஒரு நாள் தனியாக உரையாடிக் கொண்டிருந்தோம். அப்போது ஒரு மூத்த அரசியல்வாதியின் பெயரைக் குறிப்பிட்ட கலைஞர், அவரை மட்டும் எந்த காலத்திலும் நம்பி விடாதீர்கள் என்று கூறினார். அவர் யார் என்பதை உங்களின் யூகத்துக்கே விட்டு விடுகிறேன். pic.twitter.com/LRxwpJCaDI
— Dr S RAMADOSS (@drramadoss) May 26, 2020
இந்த ட்வீட்டுக்கு பலரும் பலவிதமான பதிலை அளித்து வருகின்றனர். அதில் அதிகமானோர் அந்த தலைவரே நீங்கள்தான் ஐயா என்று நக்கல் செய்துள்ளனர். ஒருவர், “கலைஞர் சிறந்த சிந்தனையாளர் ..நக்கலடிப்பதிலும்…. உங்களை வைத்துக்கொண்டே உங்களை நக்கலடித்துள்ளார்….மிகச்சிறப்பு” என்று கூறியுள்ளார். மறைந்த ஒருவரைக் குறிப்பிட்டு இப்படி பதிவிடுவது சரியா என்றும் பலர் கேள்வி எழுப்பி வருகின்றனர்.
கலைஞர் சிறந்த சிந்தனையாளர் ..நக்கலடிப்பதிலும்….
உங்களை வைத்துக்கொண்டே உங்களை நக்கலடித்துள்ளார்….மிகச்சிறப்பு.? ? ?
— Thangasaravanan (@btsthalaDrock) May 26, 2020