darbar
  • January
    23
    Thursday

Main Area

Main



ரஜினிகாந்துக்கு 70 ஆவது பிறந்தநாள் இல்லை! 46 ஆவது பிறந்த நாள்... காரணம் தெரியுமா? 

ரஜினிகாந்த்
ரஜினிகாந்த்

சிவாஜிராவ் என பெயரிடப்பட்ட சூப்பர் ஸ்டார், நடிகராகும் ஆவலுடன் சென்னை வந்தார். அதன்பின் தன் நண்பர் ராஜ் பகதூரின் உதவியுடன் 1973 ஆம் ஆண்டு சென்னை வந்து திரைப்படக் கல்லூரியில் சேர்ந்தார்.  1975 ஆம் ஆண்டு கே. பாலச்சந்தர் இயக்கிய அபூர்வ ராகங்கள் திரைப்படத்தில் ஒரு சிறிய வேடத்தில் நடித்தார் சிவாஜிராவ். தமிழ் சினிமாவில் ஏற்கனவே நடிகர் திலகம் சிவாஜி இருக்கும்போது இவரையும் எப்படி சிவாஜி என அழைப்பது என்ற குழப்பம் கே.பாலசந்தருக்கு ஏற்பட்டது.  தனித்துவமான ஸ்டைலுக்கும் அவரின் வேகமான நடைக்கும் ஒரு பெயரை வைக்க நினைத்து சிந்திக்க ஆரம்பித்தார் கே. பாலச்சந்தர். 

ரஜினிகாந்த் கே பாலச்சந்தர்

அன்று ஹோலி பண்டிகை.. சென்னையிலிருந்த வடமாநிலத்தவர்கள், வண்ணமயமான கலர்களை முகத்தில் பூசிக்கொண்டு ஹோலிப்பண்டிகையை கொண்டாடி கொண்டிருந்தனர். அப்போது சிவாஜிராவை அழைத்தார் பாலச்சந்தர். இன்று முதல் உன் பெயர் ரஜினிகாந்த்.. உன் பெயரை மாற்றிக்கொள் என உரக்கக்கூறி ரஜினியை கட்டியணைத்தார். அதன்பின் அவரிடம் வாழ்த்து பெற்று அங்கிருந்து நகர்ந்தார் ரஜினிகாந்த்..

ரஜினிகாந்த் கே பாலச்சந்தர்

அப்படி பார்த்தால் ரஜினிகாந்த் பிறந்து 46 வருடங்கள்தான் ஆகிறது. அன்று முதல் ஒவ்வொரு ஆண்டும் ரஜினிகாந்த் ஹோலிப்பண்டிகையை தனது குடும்பத்தினருடன் உற்சாகமாக கொண்டாடுவார். ஒவ்வொரு ஆண்டும் தவறாமல் தன் குருநாதர் கே. பாலசந்தருக்கு பட்டு வேஷ்டி, பட்டு சட்டை,  ராஜம் அம்மாளுக்குப் பட்டுப்புடவை தவறாமல் கொடுத்து அனுப்பிவிடுவார். ஆன்மிக குருவாக ராகவேந்திரரையும், சினிமா குருவாக கே.பாலச்சந்தரையும் ரஜினி என்றுமே மறந்தது இல்லை. 

2018 TopTamilNews. All rights reserved.