Home விளையாட்டு கிரிக்கெட் பெங்களுர் அணிக்கு வெற்றி இலக்கு 178

பெங்களுர் அணிக்கு வெற்றி இலக்கு 178

ஐபிஎல் தொடரில் இன்று சனிக்கிழமை என்பதால் இரண்டு போட்டிகள் நடைபெறுகின்றன. முதல் போட்டி, இன்று மதியம் 3.30 மணிக்குத் தொடங்குகிறது. இப்போட்டியில் ராயல்சேலஞ்சர் பெங்களூர் அணியோடு மோதுகிறது ராஜஸ்தான் ராயல்ஸ் அணி.

விராட் கோலி தலைமயிலான பெங்களூர் அணி, பாயிண்ட் டேபிளில் 3-ம் இடத்தில் உள்ளது. ஸ்மித் தலைமையிலான ராஜஸ்தான் ராயல்ஸ் அணி, பாயிண்ட் டேபிளில் 7-ம் இடத்தில் உள்ளது.

டாஸ் வென்ற ராஜஸ்தான் அணி கேப்டன் ஸ்டீவ் ஸ்மித் முதலில் பேட்டிங் செய்ய முடிவெடுத்தார்.

ராபின் உத்தப்பாவும் பென் ஸ்டோக்ஸூம் ஓப்பனிங் இறங்கியது ஆச்சர்யமாக இருந்தது. வழக்கமாக பட்லரே இறங்குவார். அவருக்குப் பதில் உத்தப்பா இறங்கியிருந்தார். 15 ரன்கள் எடுத்திருந்த பென் ஸ்டோக்ஸ் மோரிஸ் பந்து வீச்சில் டி வில்லியர்ஸிடம் கேட்ச் கொடுத்து ஆட்டமிழந்தார்.

தொடக்கம் முதலே அடித்து ஆடினார் உத்தப்பா. ஒரு சிக்ஸர், ஏழு பவுண்ட்ரிகளோடு 22 பந்துகளில் 41 ரன்கள் எடுத்தவர் சஹலின் சுழற்பந்தில் விக்கெட்டைப் பறிகொடுத்தார். இன்றைய ஆட்டம் மூலம், அவர் ஐபிஎல் போட்டிகளில் 4500 ரன்களைக் கடந்திருக்கிறார்.

பெரிது எதிர்பார்க்கப்பட்ட சஞ்சு சாம்சன், 9 ரன்களில் சஹல் சுழலில் சிக்கி விக்கெட்டைப் பறிகொடுத்தது அதிர்ச்சியாக இருந்தது.

ஸ்டீவ் ஸ்மித் – பட்லர் ஜோடி நிதானமாக ஆடியது. பட்லர் 24 ரன்கள் எடுத்திருந்த நிலையில்மோரிஸ் பந்தில் சைனியிடம் கேட்ச் கொடுத்து ஆட்டமிழந்தார்.

நன்றாக ஆடிக்கொண்டிருந்த ஸ்மித் மோரிஸ் பந்தில் விக்கெட்டைப் பறிகொடுத்தார். அப்போது அவர் 36 பந்துகளில் 57 ரன்கள் எடுத்திருந்தார். ராகுல் திவட்டியா 11 பந்துகளில் 19 ரன்கள் எடுத்தார். கடைசி ஓவரில் இறங்கிய ஆர்ச்சர் இரண்டு பந்துகளில் இரண்டு ரன்கள் எடுத்து, மூன்றாம் பந்தில் ஆட்டம் இழந்தார்.

பெங்களூர் அணியில் மோரிஸ் 4 விக்கெட்டுகளியும் சஹல் 2 விக்கெட்டுகளையும் வீழ்த்தினர்.

20 ஓவர் முடிவில் ராஜஸ்தான் அணியின் ஸ்கோர் 177. பெங்களூர் அணியின் வெற்றி இலக்கு 178 ரன்கள்.

தொடக்கத்தில் நிறைய தடுமாறிய ராஜஸ்தான் அணி 160 ரன்கள் வருவதே கஷ்டம் என நினைத்திருந்த நிலையில் ஸ்மித் ஆட்டத்தால் 177 ரன்களைத் தொட்டது.

மாவட்ட செய்திகள்

Most Popular

முதல்வர் தாயார் மறைவு : நடிகை குஷ்பு, எல்.கே. சுதீஷ் உள்ளிட்டோர் நேரில் ஆறுதல்!

முதல்வரை சந்தித்து தாயாரின் மறைவுக்கு மு.க.ஸ்டாலின் நடிகை குஷ்பு , எல்.கே. சுதீஷ் உள்ளிட்டோர் ஆறுதல் கூறினர். சென்னை கிரீன்வேஸ் சாலையில் உள்ள முதல்வர் பழனிசாமியின்...

7.5% உள்ஒதுக்கீடுக்கு விரைந்து ஒப்புதல் தர ஆளுநர் சம்மதம்!

மருத்துவ படிப்புக்கு 7.5% உள்ஒதுக்கீடு தர ஆளுநர் ஒப்புதல் அளித்து விட்டதாக அமைச்சர் ஜெயக்குமார் தெரிவித்துள்ளார். அரசு பள்ளி மாணவர்களின் மருத்துவ கனவை நினைவாக்கும் விதமாக,...

கோவை- சாலையோரத்தில் உறங்கியர் தலையில் கல்லைப்போட்டு கொலை

கோவை கோவையில் சாலையோரத்தில் படுத்து உறங்கியவர் தலையில் கல்லை போட்டு கொலை செய்யப்பட்ட சம்பவம் அதிர்ச்சியை ஏற்படுத்தி உள்ளது.

நவராத்திரி ஐந்தாம் நாள்: சகல ஐஸ்வரியத்தையும், புத்திரபாக்கியத்தையும் தருவாள் தேவி ஸ்கந்த மாதா!

அம்பிகையின் அருட்கொடையாய் விளங்கும் நவராத்திரி உற்சவ நாட்களில் பராசக்தியே துர்க்கையாகி தீமைகளை அழிக்கிறாள். மகாலட்சுமியாகி செல்வங்களை வாரி வழங்குகிறாள். சரஸ்வதியாகி நல்ல புத்தியையும், பக்தியையும் அளிக்கின்றாள். புத்தி, பக்தி, சித்தி...
Do NOT follow this link or you will be banned from the site!