புனர்பூசம் நட்சத்திரமானது ஶ்ரீராமபிரானின் அவதார நட்சத்திரம் ஆகும்.
இந்த நட்சத்திரத்தில் பிறந்தவர்கள் தந்தை சொல்லை தட்டாமல் செய்வார்கள். மற்றவர்களின் நலனுக்காக தியாகங்கள் செய்வார்கள். புனர்பூசம் நட்சத்திரத்தில் பிறந்தவர்கள் சத்தியத்துக்கும், தர்மத்துக்கும் அதிக முக்கியத்துவம் கொடுப்பார்கள். தங்களுடைய கருத்துகளை அழுத்தம் திருத்தமாக பேசுவார்கள். புனர்பூச நட்சத்திரக்காரர்கள் அடிக்கடி உணர்ச்சி வசப்படுவார்கள். யாருக்காகவும் தங்களை மாற்றிக் கொள்ள மாட்டார்கள். தங்களின் சுயகவுரவத்துக்கு அதிக முக்கியத்துவம் கொடுப்பார்கள்.
புனர்பூச நட்சத்திரத்தில் பிறந்தவர்கள் சாதுர்யமாக பேசி காரியங்களை சாதித்துக் கொள்வார்கள். சிக்கனமாக இருக்கும் அதேநேரத்தில் அவசியத் தேவைக்காக செலவு செய்யத் தயங்கமாட்டார்கள். குடும்பத்தினரின் உணர்வுகளுக்கு மதிப்பு தருவார்கள். பெற்றோருக்காகவும், உடன்பிறந்தவர்களுக்காகவும் தியாகம் செய்யக் கூடியவர்களாக இருப்பார்கள். யாருக்கும் பயப்படாமல், நேர்மையாக வாழ்வார்கள்.