மக்களுக்காக பணியாற்றுங்க…. அரசாங்கத்தை கவிழ்க்கிற வேலை பார்க்காதீங்க… பா.ஜ.க.வை தாக்கிய பிரியங்கா காந்தி..

காங்கிரஸ் கட்சி ஆன்லைனில் ‘ஸ்பீக் அப் இந்தியா’ என்ற பிரச்சாரத்தை செய்து வருகிறது. அதன் ஒரு பகுதியாக அந்த கட்சியின் பொது செயலாளர் பிரியங்கா காந்தி ஒரு வீடியோ ஒன்றை வெளியிட்டுள்ளார். அதில் பா.ஜ.க.வை கடுமையாக விமர்சனம் செய்துள்ளார். அந்த வீடியோவில் அவர் கூறியிருப்பதாவது: கொரோனா வைரஸ் தொற்றுநோயால் ஏற்படும் நெருக்கடியின் தன்மை மகாராஷ்டிரா மாநிலத்தில் பெரியது மற்றும் அதை கட்டுப்படுத்த அரசாங்கம் போராடுகிறது.

பா.ஜ.க.

ஆனால், அவர்களுக்கு உதவிக்கரம் நீட்டுவதற்கு பதிலாக அரசாங்கத்தை ஸ்திரமின்மைக்குள்ளாக்கவும், கவிழ்க்கவும் முயற்சிக்கிறீர்கள். ஒருவருக்கொருவர் உதவ வேண்டிய நேரம் மற்றும் மக்களுக்காக வேலை செய்யுங்கள். ஏனென்றால் அவர்கள் மீது நமக்கு ஒரு பொறுப்பு இருக்கிறது. பேருந்துகளைப் பயன்படுத்தும்போது உங்க சொந்த பேனர்கள் மற்றும் ஸ்டிக்கர்களையும் வைக்குமாறு நாங்கள் பரிந்துரைத்த போதிலும் எங்களது ஆயிரம் பேருந்துக்களை மறுத்து விட்டீர்கள். அதில் எங்களுக்கு எந்த பிரச்சினையும் இல்லை. நீங்கள் உறுதியளித்த 12 ஆயிரம் பேருந்துகள் காகிதங்களில் மட்டுமே இருந்தன. அவை ஒரு போதும் சாலைக்கு வரவில்லை. இவ்வாறு அவர் பா.ஜ.க. தலைவர்களையும், உத்தர பிரதேச முதல்வர் யோகி ஆதித்யநாத்தையும் மறைமுகமாக தாக்கி பேசி இருந்தார்.

முதல்வர் யோகி ஆதித்யநாத்

உத்தர பிரதேசத்தில் புலம்பெயர்ந்த தொழிலாளர்கள் அவர்களது சொந்த மாநிலத்துக்கு செல்வதற்காக காங்கிரஸ் ஏற்பாடு செய்த ஆயிரம் பஸ்கள் தொடர்பான விவகாரம் கடந்த சில நாட்களாக பெரும் கொந்தளிப்பை ஏற்படுத்தியது. புலம்பெயர்ந்தவர்களுக்காக ஏற்பாடு செய்துள்ள ஆயிரம் பஸ்கள் குறித்த விவரம் என காங்கிரஸ் அளித்த பஸ்கள் பட்டியலில் பெரும்பாலானவை இரு சக்கர வாகனங்கள், வர்த்தக வாகனங்கள் என்பதை முதல்வர் யோகி ஆதித்யநாத் தலைமையிலான அரசு கண்டுபிடித்தது. இதனையடுத்து காங்கிரஸ் தலைவர்கள் மீது மோசடி வழக்கு பதிவு செய்தது. மேலும், அம்மாநில காங்கிரஸ் தலைவர் அஜய் லாலுவையும் ஜெயிலில் அடைத்தது.

Most Popular

வாகனத்தை பறிமுதல் செய்ததால் தீக்குளித்த இளைஞர்! பணியிலிருந்த 5 காவலர்கள் பணியிடமாற்றம்

திருப்பத்தூர் மாவட்டம் ஆம்பூர் சென்னை பெங்களூர் தேசிய நெடுஞ்சாலையில் கொரோனா வைரஸ் நோய்த் தடுப்பு பணியில் ஈடுபட்டுக்கொண்டிருந்த காவலர் சந்திரசேகர் என்பவர் அவ்வழியாக வந்த ஆம்பூர் அண்ணாநகர் பகுதியை சேர்ந்த முகிலன் என்பவரை...

பெரம்பலூர் அருகே கிணற்றுக்குள் விழுந்த வாலிபர், தீயணைப்பு வீரர் உயிரிழப்பு!

பெரம்பலூர் அருகே கிணற்றுக்குள் தவறிவிழுந்த வாலிபரும், அவரை மீட்க சென்ற தீயணைப்பு வீரரும் உயிரிழந்தனர். மேலும் இரண்டு தீயணைப்பு வீரர்கள் மயக்கமடைந்த நிலையில் மருத்துவமனையில் சிகிச்சைக்கு அனுமதிக்கப்பட்டுள்ளனர். பெரம்பலூர் அருகே செல்லியப்பாளையத்தை சேர்ந்த ராதாகிருஷ்ணன்...

நான் இன்று கொரோனா பரிசோதனை செய்துகொண்டேன்.. முடிவு வந்தது- தமிழிசை ட்வீட்

தெலங்கானா மாநிலத்தில் 33 ஆயிரத்துக்கும் மேற்பட்டோருக்கு கொரோனா பாதிப்பு ஏற்பட்டுள்ளது. அதில் 19 ஆயிரத்துக்கும் அதிகமானோர் குணமாகி வீட்டுக்கு வந்து விட்டனர். தெலங்கானா மாநிலத்தில் கொரோனா தொற்றால் இதுவரை 300 க்கும் அதிகமானோர்...

கல்லூரி தேர்வு விஷயத்தில் மாநில அரசுகளுக்கு மிரட்டல் விடுப்பதை மத்திய அரசு தவிர்க்க வேண்டும்- ராமதாஸ்

கல்லூரி தேர்வு விஷயத்தில் மாநில அரசுகளுக்கு மிரட்டல் விடுப்பதை மத்திய அரசு தவிர்க்க வேண்டும் என பாமக நிறுவனர் ராமதாஸ் வலியுறுத்தியுள்ளார். இது தொடர்பாக அவர் வெளியிட்டுள்ள அறிக்கையில், “கொரோனாவால் பல்கலைக்கழகம் மற்றும் கல்லூரி...
Open

ttn

Close