வங்கியில் ரூ. 22 லட்சம் பணம் எடுத்த தனியார் நிறுவன மேலாளர் : பிணமாக மீட்கப்பட்ட பயங்கரம்!

புகாரின் அடிப்படையில் வழக்குப்பதிவு செய்த போலீசார் அருண்குமாரின் செல்போன் சிக்னலை வைத்து விசாரணையை தொடங்கினர்.

தேனி மாவட்டம் பென்னிகுவிக் நகரில் வசித்து வருபவர் 34 வயதான அருண்குமார். இவர் மகேந்திரா இரு சக்கர வாகனத்தில் விற்பனைப் பிரிவில் மேலாளராக பணியாற்றி வருகிறார்.

இந்நிலையில் நேற்று காலை விற்பனை நிலைய உரிமையாளர் சன்னாசி வங்கியிலிருந்து பணம் எடுத்து வரச் சொல்லி அருண்குமாரை அனுப்பியுள்ளார். இதையடுத்து வங்கிக்கு சென்ற அருண்குமார் ரூபாய் 22 லட்சத்தை எடுத்துள்ளார். ஆனால் அவர் நீண்ட நேரமாகியும் விற்பனை நிலையம் வரவில்லை. அவரது செல்போனும் சுவிட்ச் ஆப் செய்யப்பட்டிருந்தது. இதனால் சந்தேகமடைந்த விற்பனை நிலைய உரிமையாளர் சன்னாசி இதுகுறித்து போலீசில் புகார் கொடுத்தார். புகாரின் அடிப்படையில் வழக்குப்பதிவு செய்த போலீசார் அருண்குமாரின் செல்போன் சிக்னலை வைத்து விசாரணையை தொடங்கினர்.

தேனி பைபாஸ் சாலையில் அருண்குமாரின் மொபைல் சிக்னல் துண்டிக்கப்பட்டிருந்தது. இதையடுத்து அப்பகுதியில் போலீசார் ஆய்வு செய்ததில் அருண் குமாரின் இருசக்கர வாகனமும். அவர் தலையில் பலத்த காயத்துடன் பிணமாக கிடந்தது கண்டுபிடிக்கப்பட்டது. மேலும் அவரது அருகே ரத்தக்கரை படிந்த சுத்தியல் மற்றும் மது பாட்டில் கிடந்தது.

இதை தொடர்ந்து அருண் குமாரின் உடலை கைப்பற்றிய போலீசார் பிரேத பரிசோதனைக்காக அரசு மருத்துவமனைக்கு அனுப்பி வைத்தனர். அருண்குமாரிடம் பணம் பறிக்கும் நோக்கத்தில் யாரேனும் இவ்வாறு செய்தார்களா அல்லது அவருக்கு தெரிந்தவர்களே அவரை பின் தொடர்ந்து இதுபோன்ற வழிப்பறியில் ஈடுபட்டு அவரை கொலை செய்தார்களா என்ற கோணத்தில் தேனி போலீசார் தீவிரமாக விசாரணை நடத்தி வருகின்றனர்.

முன்னதாக இதே இருசக்கர வாகன விற்பனை நிலையத்தில் கடந்த 4 ஆண்டுகளுக்கு முன்பு பணி செய்து வந்த கலைவாணன் என்பவர் காணாமல் போனது குறிப்பிடத்தக்கது.

Most Popular

வங்கக் கடலில் ஆழ்ந்த காற்றழுத்த தாழ்வுப் பகுதி; கர்நாடகா, கேரளா, தமிழகம் உள்ளிட்ட மாநிலங்களில் கனமழைக்கு வாய்ப்பு!

வங்க கடலில் புதிதாக காற்றழுத்த தாழ்வுப் பகுதி உருவாகியுள்ளதாகவும் வானிலை காற்றழுத்த தாழ்வுப் பகுதியால் தமிழகத்தில் மேற்குத் தொடர்ச்சி மலைப்பகுதிகளில் கனமழை தொடரும் என்றும் அதீத கனமழை பெய்ய வாய்ப்பு உள்ளதால் கோவா...

இந்தியாவில் 24 மணிநேரத்தில் 52,509 பேருக்கு கொரோனா : 857 பேர் பலி!

இதுவரை உலகம் முழுவதும் 1 கோடியே 86 லட்சத்து 91 ஆயிரத்து 659 பேர் கொரோனாவால் பாதிக்கப்பட்டுள்ளனர். உலக அளவில் கொரோனா வைரசால் 7 லட்சத்து 03 ஆயிரத்து 371 பேர் பலியாகி...

அயோத்தியில் ராமர் கோயிலுக்கு அடிக்கல் நாட்ட டெல்லியில் இருந்து புறப்பட்டார் பிரதமர் மோடி

அயோத்தியில் ராமர் கோயில் கட்டுவதற்கு பிரதமர் மோடி இன்று அடிக்கல் நாட்டுகிறார். அயோத்தியில் ராமர் கோவில் அடிக்கல்நாட்டு விழா இன்று நடக்கிறது. இதில் மொத்தம் 200 பேருக்கு பங்கேற்க அனுமதி வழங்கப்பட்டுள்ளது. வேறு யாரும்...

கன்னியாகுமரியில் கொரோனா பாதிப்பு எண்ணிக்கை 5,533 ஆக உயர்வு!

தமிழகத்தில் கொரோனாபாதிப்பு நாளுக்கு நாள் அதிகரித்து கொண்டே செல்கிறது. நேற்று ஒரேநாளில் தமிழகம் வந்தவர்கள் உட்பட 5,063பேர் கொரோனா வைரஸால் பாதிக்கப்பட்டுள்ளனர். இதன்மூலம் பாதிக்கப்பட்டோரின் எண்ணிக்கை 2,68,285 ஆக அதிகரித்துள்ளது. கொரோனாவால் உயிரிழந்தவர்களின் மொத்த...