சீதா பிறந்தது நேபாளம்தான்… ராமர் அயோத்தியில்தான் பிறந்தார்! -ராமர் கோவில் டிரஸ்ட் கண்டனம்!

ராமர் பிறந்த இடம் நேபாளத்தில் உள்ளது என்றும் அவர் நேபாளி என்றும் கூறிய நேபாள பிரதமர் ஒளிக்கு ராமர் கோவில் கட்டுமான கமிட்டி கண்டனம் தெரிவித்துள்ளது.

ராமர் பிறந்த இடம் இந்தியாவில் உள்ள அயோத்தி இல்லை. அது உண்மையில் நேபாளத்தில் உள்ளது. ராமர் இந்தியர் இல்லை. அவர் நேபாள நாட்டைச் சார்ந்தவர் என்று நேபாள பிரதமர் ஒளி கூறியதாக செய்தி வெளியானது. இது இந்து மக்கள் மத்தியில் அதிர்ச்சியையும் கொந்தளிப்பையும் ஏற்படுத்தியது. சீனா கொடுத்த அழுத்தம் காரணமாக அவர் அப்படி பேசியிருக்கலாம் என்று பலரும் நேபாள பிரதமருக்கு கண்டனம் தெரிவித்து வருகின்றனர்.

இதற்கு அயோத்தியில் ராமர் கோவில் கட்டுமான அறக்கட்டளையின் உறுப்பினர் மஹத் தினேந்திர தாஸ் கண்டனம் தெரிவித்துள்ளார். இது குறித்து அவர் கூறுகையில், “கடவுள் ராமர் அயோத்தியில்தான் பிறந்தார். சராயு நதிக்கு அருகில் உள்ள அயோத்தியில் ராமர் பிறந்தார். இந்துக்களின் நம்பிக்கையும் அதுதான். அதே நேரத்தில் ராமரின் மனைவி சீதா நேபாளத்தில் இருந்து வந்தவர் என்பதும் உண்மை. ஆனால் ஒளி ராமர் நேபாளத்தை சார்ந்தவர் என்று கூறுவது தவறு. நேபாள பிரதமரின் அறிவிப்புக்கு கண்டனத்தைத் தெரிவித்துக் கொள்கிறேன்” என்றார்.

ராமா தள் டிரஸ்ட் தலைவர் கல்கி ராம் தாஸ் மகாராஜ் கூறுகையில், “நேபாள பிரதமர் ஒளி பாகிஸ்தானுக்காக வேலை செய்து வருகிறார். இந்து அரசாக இருந்த நேபாளம் தற்போது சீனா, பாகிஸ்தானுக்காக வேலை செய்து வருகிறது. புனித புத்தகத்தில் அயோத்தியின் கிழக்கே சராயு நதி பாய்கிறது என்று குறிப்பிடுகிறது. நேபாளத்தில் சராயு நதி இல்லை. நேபாள பிரதமர் ஒரு மாதத்தில் தான் கூறியதை நிரூபிக்க முடியுமா என்று சவால் விடுகிறேன்” என்றார்.

Most Popular

ரூ.15 லட்சத்துடன் கொள்ளையர்கள் ஓட்டம்… மடக்கி பிடித்த பொதுமக்கள்!- சென்னையில் சினிமாவை விஞ்சிய சம்பவம்

சென்னையில் பட்டப்பகலில் 15 லட்சம் ரூபாயை கொள்ளையடிக்க முயன்ற கொள்ளையனை பொதுமக்கள் மடக்கி பிடித்தனர். சினிமா விஞ்சம் அளவில் இந்த சம்பவம் நடந்துள்ளது. சென்னை ராயபுரம் ஆதம் தெருவைச் சேர்ந்த சாகுல் அமீது (29)...

தேயிலைத் தோட்டங்களில் பணிபுரியும் தமிழர்களின் பாதுகாப்பை உறுதி செய்க : எம்பி திருமாவளவன் வலியுறுத்தல்!

கேரள மாநிலம் மூணாறு பகுதியில் உள்ள பெட்டி முடி பகுதியில் உள்ள கண்ணன் தேவன் டீ எஸ்டேட் தேயிலைத் தோட்டத்தில் வேலை பார்த்த தொழிலாளர்கள் குடியிருப்பில் ஏற்பட்ட பயங்கரமான நிலச்சரிவில் இருபது வீடுகள்...

திருப்பதி கோயில் திறக்கப்பட்டதிலிருந்து சுமார் 743 ஊழியர்களுக்கு கொரோனா தொற்று!

திருப்பதியில் நாளுக்கு நாள் கொரோனா தொற்றானது அதிகரித்து வருகிறது. மத்திய அரசின் பொது முடக்க தளர்வுகளின் போது, திருப்பதி ஏழுமலையான் கோவில் திறக்கப்பட்டு பக்தர்கள் அனுமதிக்கப்பட்டனர். இதனால் அங்கு கோவில் ஊழியர்கள் முதல்...

தமிழகம் முழுவதும் உடற்பயிற்சிக் கூடங்கள் இன்று காலை முதல் செயல்படத் தொடங்கியது!

கொரோனா தொற்று காரணமாக மூடப்பட்டு கிடந்த உடற்பயிற்சி கூடங்கள் இன்று முதல் இயங்கலாம் என முதல்வர் பழனிசாமி அறிவித்துள்ளார். 50 வயது மற்றும் அதற்கு குறைவான வயதுடைய வாடிக்கையாளர்களுடன் ஜிம்கள் இயங்கலாம் என்றும்...