பிரணாப் முகர்ஜி மறைவு :தமிழக அரசு சார்பில் 7 நாள் துக்கம் அனுசரிப்பு!

மறைந்த முன்னாள் குடியரசுத் தலைவர் பிரணாப் முகர்ஜிக்கு மரியாதை செலுத்தும் விதமாக தமிழக அரசால்7 நாள் துக்கம் அனுசரிக்கப்படுகிறது.

முன்னாள் குடியரசு தலைவர் பிரணாப் முகர்ஜி உடல் நலக்குறைவால் ராணுவ மருத்துவமனையில் சிகிச்சை பெற்று வந்த நிலையில் நேற்று காலமானார்.

அவருக்கு வயது 84. பிரணாப் முகர்ஜியின் உடலுக்கு பிரதமர் மோடி நேரில் அஞ்சலி செலுத்தினார். குடியரசு துணைத் தலைவர் வெங்கையா நாயுடு, சபாநாயாகர் ஓம்பிர்லா உள்ளிட்டோரும் அஞ்சலி செலுத்தினர்.

இந்நிலையில் மறைந்த முன்னாள் குடியரசுத் தலைவர் பிரணாப் முகர்ஜிக்கு மரியாதை செலுத்தும் விதமாக தமிழக அரசு சார்பில் 7 நாள் துக்கம் அனுசரிக்கப்படுகிறது. செப்டம்பர் 6 வரை தமிழகத்தில் தேசியக்கொடி அரைக்கம்பத்தில் பறக்கவிடப்படும் என்றும் எந்த அரசு நிகழ்ச்சிகளும் நடைபெறாது என்றும் தெரிவிக்கப்பட்டுள்ளது. இந்த அறிவிப்பானது தமிழக பொதுத்துறை சார்பில் அனைத்து மாவட்ட ஆட்சியர் மற்றும் காவல்துறையினருக்கும் அறிவுறுத்தப்பட்டுள்ளது.